কলিয়াবৰ , ২ ফেব্ৰুৱাৰী : কাজিৰঙা ৰাষ্ট্ৰীয় উদ্যানৰ ব্যাঘ্র প্ৰকল্পৰ অন্তৰ্গত কলিয়াবৰৰ বুঢ়াপাহাৰ বনাঞ্চলিক কাৰ্যালয়ৰ অধীনত পতাহী বিলত মঙলবাৰে উদযাপন কৰা হয় 'বিশ্ব জলাশয় দিৱস' । কাজিৰঙা ৰাষ্ট্ৰীয় উদ্য়ান লগতে বিভিন্ন সংস্থাৰ উদ্য়োগত পালন কৰা এই দিৱসৰ লগত সংগতি ৰাখি জলাশয়ৰ জৈৱ-বৈচিত্ৰতা তথা পানী সংৰক্ষণৰ ওপৰত সজাগতা সৃষ্টি কৰিবলৈ এক সভাৰ আয়োজন কৰা হয় । এই দিৱসত কলিয়াবৰৰ ৭ খন বিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰে। বিশেষকৈ ছাত্ৰ-ছাত্ৰীসকলকৰ মাজত জলাশয়ৰ সজাগতা সৃষ্টিৰ বাবে বিভিন্ন পদক্ষেপ গ্ৰহণ কৰে ৰাষ্ট্ৰীয় উদ্য়ান কতৃপক্ষই ।
বিশ্ব জলাশয় দিৱসত বিশিষ্ট অথিতি ৰূপে উপস্থিত থাকে নগাঁও জিলাৰ অতিৰিক্ত উপায়ুক্ত তথা কলিয়াবৰ মহকুমাৰ মহকুমাধিপতি বিতোপন নেওগ, কাজিৰঙা ৰাষ্ট্ৰীয় উদ্যানৰ সঞ্চালক পি শিৱ কুমাৰ, শিক্ষক ভূপেন শৰ্মা । অনুষ্ঠানত কাজিৰঙা ৰাষ্ট্ৰীয় উদ্যানৰ সঞ্চালক পি শিৱ কুমাৰে পতাহী বিল সংৰক্ষণৰ বিষয়ে কেইবাটাও গুৰুত্ব পূৰ্ণ মন্তব্য় প্ৰদান কৰে ।
লগতে পঢ়ক :ৰঙিয়াত তিনিদিনীয়া কাৰ্যসূচীৰে যোগ সন্মিলন
