ৰহা,7 ছেপ্টেম্বৰ: নগাঁও জিলাৰ ৰহাৰ দুৰ্গাজানত মঙলবাৰে দুপৰীয়া সংঘটিত হয় এক ভয়ংকৰ কাণ্ড ৷ দুৰ্গাজান গাঁৱৰ এটা পথৰ দুৰাৱস্থাক লৈ প্ৰথমে প্ৰতিবেশী দুই যুৱকৰ মাজত কথাৰ কটাকটি হয় ৷ তাৰ পাছতে এজন যুৱকে আন দুজন যুৱকক দাৰে ঘপিয়াই গুৰুতৰভাৱে আহত কৰে ৷ জানিব পৰা মতে, অভিযুক্ত নাৰায়ণ দাস নামৰ এজন যুৱক জনে একে গাঁৱৰে দুই ভাতৃ লক্ষ্যজ্যোতি দাস আৰু ত্ৰিদিপ দাসক সামান্য কথাতে শৰীৰৰ বিভিন্ন অংশত দাৰে ঘপিয়াই গুৰুতৰভাৱে আহত কৰে ৷
ৰহাৰ দুৰ্গাজানত যুৱকৰ দাৰ ঘাপত গুৰুতৰভাৱে আহত দুই ভাতৃ
ইতিমধ্যে দুয়ো ভাতৃক সংকটজনক অৱস্থাত গুৱাহাটীলৈ প্ৰেৰণ কৰা হৈছে ৷ এটা পথৰ বাবে এইদৰে দুই ভাতৃক আক্ৰমণ কৰা উদণ্ড প্ৰকৃতিৰ যুৱক নাৰায়ণক উচিত শাস্তি প্ৰদান কৰাৰ দাবী উত্থাপন কৰিছে স্থানীয় ৰাইজে ৷ ঘটনাস্থলীত ইতিমধ্যে ৰহা আৰক্ষী উপস্থিত হৈ অভিযুক্ত নাৰায়ন দাসক আটক কৰিছে ৷
