নগাঁও, 8 জুলাই : নগাঁৱত বুধবাৰে চি আৰ পি এফ জোৱানসহ ক'ভিড-১৯ত আক্ৰান্ত হৈছে ৩৬ জনকৈ লোক । বুধবাৰে নগাঁৱৰ কাতিমাৰিস্থিত চি আৰ পি এফ কেম্পৰ তিনিজনকৈ জোৱান ক'ভিড-১৯ ত আক্ৰান্ত হোৱা বুলি নিশ্চিত হৈছে। আক্ৰান্ত জোৱানকেইজন হৈছে অৰুণ কুমাৰ, জিতেন্দ্ৰ কুমাৰ আৰু দ্বীজেন্দ্ৰ কুমাৰ ডুবে। আক্রান্ত তিনিওজনকে গুৱাহাটী ন মাইলত থকা চি আৰ পি এফ কেম্পৰ হাস্পতাললৈ স্থানান্তৰ কৰা হৈছে।
ইপিনে নগাঁৱত এই পৰ্যন্ত ৮৯৫ জনলৈ বৃদ্ধি পাইছে কৰ'ণাত আক্ৰান্তৰ সংখ্যা। দিনক দিনে কৰ'ণাত আক্ৰান্তৰ সংখ্যা বৃদ্ধি পোৱাক লৈ শংকিত নগাঁওবাসী।
লগতে পঢ়ক : তিনি লক্ষাধিক টকা মূল্যৰ চোৰাং কাঠসহ জব্দ দুটাকৈ ভ্ৰাম্যমান কাঠফলা কল
