নগাঁও, 7 মে’: নগাঁও সদৰ আৰক্ষীৰ চূড়ান্ত ব্যৰ্থতা উদঙাই জিলাখনত ব্যাপক হাৰত সংঘটিত হৈ আছে চুৰিৰ ঘটনা (Theft in Nagaon) ৷ এইবাৰ আৰক্ষী থানাৰ সন্মুখৰ মন্দিৰতেই চোৰৰ চাফাই অভিযান চলিল ৷ সদৰ আৰক্ষীক চেলেঞ্জ কৰি মন্দিৰৰ পৰা চোৰে লুটি নিলে সোণৰ আ অলংকাৰ, মূল্যবান সামগ্ৰী ৷
উল্লেখ্য যে, বিগত কিছুদিন ধৰি নগাঁও চহৰৰ বিভিন্ন প্ৰান্তত সংঘটিত চুৰিকাণ্ড ৰোধ কৰাত ব্যৰ্থ নগাঁও সদৰ আৰক্ষীৰ এইবাৰ যেন নাক কাটিলে চোৰে ৷ আৰক্ষী, অৰ্ধসামৰিক বাহিনীৰে গিজগিজাই থকা নগাঁও সদৰ আৰক্ষী থানাৰ সন্মুখতে থকা এটা কালি মন্দিৰত শনিবাৰে নিশা চোৰে চলালে লুটপাত (Crime in Nagaon) ৷
মন্দিৰত প্ৰৱেশ কৰি নিশা চোৰে লুটি নিলে মন্দিৰৰ সোণৰ আ-অলংকাৰসহ বহু মূল্যৱান সামগ্ৰী ৷ চুৰি হোৱা সামগ্ৰীসমূহৰ ভিতৰত আছিল সোণৰ আ অলংকাৰ আৰু বহু মূল্যবান সামগ্ৰী ৷ ইফাল, পুৱা মন্দিৰত চুৰি হোৱাৰ কথা অৱগত হৈ উপস্থিত হয় নগাঁও আৰক্ষী ৷ চুৰিকাণ্ড সন্দৰ্ভত আৰক্ষীয়ে তদন্ত আৰম্ভ কৰিছে যদিও বৰ্তমানলৈকে কোনো শুংসূত্ৰ লাভ কৰা নাই (Theft in Nagaon Kali Mandir) ৷
লগতে পঢ়ক: Encounter in Nagaon : নগাঁও আৰক্ষীৰ গুলীত ধৰাশায়ী ড্ৰাগছ মাফিয়া আবুল
কিন্তু লক্ষণীয়ভাৱে মন্দিৰৰ পূজাৰী, কেয়াৰ টেকাৰৰ ওপৰতে দায়িত্ব ঠেলি নিজৰ ব্যৰ্থতা ঢকাৰ চেষ্টা কৰিছে সদৰ আৰক্ষী থানাৰ ভাৰপ্ৰাপ্ত বিষয়া মনোজ ৰাজবংশীৰ ৷ আৰক্ষীৰ নাকৰ তলতেই এনেদৰে দৈনিক চুৰি কাৰ্য সংঘটিত হোৱা ঘটনাক লজ্জাজনক আখ্যা দিছে স্থানীয় ৰাইজে ৷ ৰাইজক আৰক্ষীয়ে কিদৰে নিৰাপত্তা প্ৰদান কৰিব তাকে লৈ এতিয়া উত্থাপন হৈছে প্ৰশ্নৰ ৷ যাৰ বাবে এতিয়া জীৱনৰ লগতে সা-সম্পত্তিৰ নিৰাপত্তহীনতান ভুগিছে নগাঁৱৰ ৰাইজে ৷
পূৰ্বেও জিলাখনৰ আৰক্ষী থানাৰ সমীপতে বহু চুৰিকাণ্ড সংঘটিত হৈছে যদিও চোৰক কৰায়ত্ত কৰাত সম্পূৰ্ণৰূপে ব্যৰ্থ হোৱাৰ অভিযোগ উত্থাপিত হৈ আহিছে নগাঁও আৰক্ষীৰ বিৰুদ্ধে ৷
