চামগুৰি, 29 জুন: বঢ়মপুৰত সংঘটিত হৈছে এক চাঞ্চল্যকৰ হত্যাকাণ্ড । বঢ়মপুৰৰ মাজপুটনিত সংঘটিত হৈছে এক হত্যাকাণ্ড (Murder at Barhampur)। এগৰাকী প্ৰায় (৪৫) বছৰীয়া অকলশৰে বাস কৰা বিশেষভাৱে সক্ষম মহিলাক মঙলবাৰে নিশা দুৰ্বৃত্তই ডিঙি কাটি হত্যা কৰে ।
বিজু বৰা নামৰ মহিলাগৰাকীৰ মৃতদেহ বুধবাৰে দুপৰীয়া একেখন গাঁৱতে বিয়া হোৱা ভনীয়েকে খবৰ ল’বলৈ আহি প্ৰত্যক্ষ কৰে ৷ শোৱনি কোঠাৰ মজিয়াত ৰক্তাক্ত অৱস্থাত মৃতদেহটো পৰি থকা প্ৰতক্ষ্য কৰি হুৱাদুৱা লগোৱাত ওচৰ চুবৰীয়া গোট খাই আৰক্ষীক খবৰ দিয়ে ।
ঘটনাস্থলীত নগাঁও জিলাৰ অতিৰিক্ত আৰক্ষী অধীক্ষক ধ্ৰুৱ বৰা উপস্থিত হৈ প্ৰাথমিক তদন্ত আৰম্ভ কৰে ৷ আনহাতে মৃত বিজু বৰাৰ সম্পৰ্কীয়ই এই হত্যাকাণ্ড মাটি-বাৰীৰ বাবে সংঘটিত হোৱা বুলি সন্দেহ প্ৰকাশ কৰে (Specially abled woman murder at Barhampur) ৷
লগতে পঢ়ক: ভৱিষ্যতে মাচ্ কমিউনিকেশ্যন অধ্যয়ন কৰাৰ ইচ্ছা কৃৰ্তী ছাত্ৰ নিলয় কুৰ্মীৰ
