কলিয়াবৰ,31 জানুৱাৰী: কলিয়াবৰৰ উলুৱনী থানাৰ অন্তৰ্গত নলতলি বজাৰত অবৈধভাৱে ভাৱে বিক্ৰী কৰা বিলাতী সুৰাৰ দোকানত নিশা আৰক্ষীৰ অভিযান । উলুৱনী আৰক্ষী নিৱেশৰ আৰক্ষী পৰিদৰ্শক গৌৰৱ মহন্তৰ নেতৃত্বত এটা দলে অভিযান চলায় । অভিযান কালত দুল নাথ নামৰ ব্যক্তিগৰাকীৰ দোকানৰ পৰা বৃহৎ পৰিমাণৰ বিলাতী সুৰা জব্দ কৰে । কিন্তু আৰক্ষীৰ অভিযানৰ উমান পায় দোকানৰ পৰা পলায়ন কৰে ব্যক্তিগৰাকীয়ে ।
উল্লেখ্য যে, অঞ্চলটোত দীৰ্ঘদিনৰ পৰা একাংশ লোকে গোপনে চলাই আহিছিল বিলাতী সুৰাৰ ব্যৱসায় ৷ স্থানীয় লোকে প্ৰায়ে অভিযোগ কৰি আহিছিল যদিও শনিবাৰে গোপন সূত্ৰৰ পম খেদি আৰক্ষীয়ে অভিযান চলায় বৃহৎ পৰিমাণৰ বিলাতী সুৰাৰ বটল জব্দ কৰিবলৈ সক্ষম হয় । উলুৱনী আৰক্ষী নিৱেশৰ ভাৰপ্ৰাপ্ত আৰক্ষী বিষয়া গৌৰৱ মহন্তই জনোৱা মতে, অনাগত দিনটো অবৈধ সুৰাৰ বিৰুদ্ধে অঞ্চলটোত অভিযান থাকিব ৷
লগতে পঢ়ক: গুৱাহাটীৰ গৱেষণা প্ৰতিষ্ঠানৰ উদ্ভাৱনে আকৰ্ষণ কৰিছে বিশ্বৰ ক্ৰীড়া সমাজক
