কলিয়াবৰ, 27 এপ্ৰিলঃ কলিয়াবৰৰ ভিন্ন স্থানত উদ্ধাৰ হয় এটা হৰিণা পহুৰ লগতে দুডাল বিষাক্ত সাপ ৷ উদ্ধাৰ কৰি বন বিভাগক অৱগত কৰে উদ্ধাৰকাৰীয়ে ৷ কলিয়াবৰৰ নলতলিৰ পৰা এটা হৰিণা পোৱালি উদ্ধাৰ হয় ৷ স্থানীয় নিবাসী ভদ্ৰ নাথ নামৰ লোকজনে উদ্ধাৰ কৰে হৰিণা পহুটো ৷ ভদ্ৰ নাথে উক্ত ঘটনাটো বন বিভাগত অৱগত কৰে ৷ ইতিমধ্যে ঘটনাস্থলীত বন বিভাগৰ লোক উপস্থিত হৈ চমজি লয় হৰিণাটো ৷
কলিয়াবৰত উদ্ধাৰ এটা হৰিণা পহুৰ লগতে দুডাল বিষাক্ত সাপ
আনহাতে, কলিয়াবৰ চাহ বাগিছাৰ পৰাও সঞ্জীৱ ডেকা নামৰ লোক এজনে এডাল প্ৰকাণ্ড অজগৰ আৰু বিষাক্ত সাপ এডাল উদ্ধাৰ কৰে ৷ ইতিমধ্যে এই ঘটনাটো বন বিভাগক অৱগত কৰি চমজাই দিয়ে সাপ দুদাল ৷
লগতে পঢ়ক- দৰঙৰ পদ্মাথান দেৱালয়ৰ জীৱ-জন্তুৰ মাজত তীব্ৰ খাদ্য সংকট
