নগাঁও, 22 জুলাইঃ ক’ভিড 19ত আক্ৰান্ত হৈছে নগাঁও জিলাৰ স্বাস্থ্য বিভাগৰ আন এগৰাকী কৰ্মচাৰী ৷ কৰ্মচাৰীজন কাৰ্যালয়টোত গাড়ীচালক ৰূপে কৰ্তব্যৰত আছিল ৷ ইয়াৰ পূৰ্বেও নগাঁৱৰ স্বাস্থ্য বিভাগৰ দুজনকৈ কৰ্মচাৰী আক্ৰান্ত হৈছিল কৰ’ণা ভাইৰাছত ৷ তাৰ পাচতেই কাৰ্যালয়টো ছীল কৰি দিছিল জিলা প্ৰশাসনে ৷ আৰু তেতিয়াৰ পৰাই জিলা গ্ৰামোন্নয়ন বিভাগৰ কাৰ্যালয়ত চলি আছিল স্বাস্থ্য বিভাগৰ কাম কাজ ৷ এইবাৰ কাৰ্য্যালয়টোৰ তৃতীয়জন লোক আক্ৰান্ত হোৱাত আতংকিত হৈ পৰিছে কাৰ্যালয়টোৰ আন বিষয়া কৰ্মচাৰীসকলো ৷
উল্লেখ্য যে,অসমত বৰ্তমান কৰ’ণা ভাইৰাছত আক্ৰান্তৰ সংখ্যাই মঙলবাৰে নিশা 12 বজালৈ অতিক্ৰম কৰিছে 26,500ৰ সীমা ৷ আনহাতে মৃত্যু হৈছে 65 ৰো অধিক ৷ আনহাতে আক্ৰান্ত জিলাৰ ক্ষেত্ৰত কামৰূপ মহানগৰ জিলাৰ পাচতে আছে দ্বিতীয় স্থানত আছে নগাঁও জিলা ৷ নগাঁৱত আক্ৰান্তৰ সংখ্যা হৈছে 1059 গৰাকী ৷
লগতে পঢ়কঃ বৈদেশিৰ বিনিয়োগৰ বাবে ভাৰত সৰ্বাধিক অনুকূল : গাডকাৰী
