দৰং, 23 নৱেম্বৰ : সৃষ্টিশীল মনৰ অন্যান্য প্ৰতিভাশীল এজন ছাত্ৰ ৷ ছাত্ৰজন নগাঁও আঞ্চলিক হাইস্কুলৰ অষ্টম শ্ৰেণীৰ মনজিৎ কলিতা ৷ পেলনীয়া সামগ্ৰীৰে ছাত্ৰজনে তৈয়াৰ কৰিছে নাৰিকল ৰোকা যন্ত্ৰ আৰু বায়ু পদ্ধতিৰে চালিত এক্সকেভেটৰ ৷ মনজিতে নাৰিকল ৰোকা যন্ত্ৰটোৰ ইংৰাজীত নাম দিছে 'GRATED COCONUT' ৷ ছাত্ৰজনৰ ঘৰ দৰঙত ৷
যন্ত্ৰটোৰে অতি সময়ৰ ভিতৰতে নাৰিকল ৰোকিব পৰা যাব ৷ সৃষ্টিশীল মনৰ অধিকাৰী মনজিতে সৰুৰে পৰা মাতৃৰ নাৰিকল ৰোকাৰ কষ্ট আৰু সময় লাঘৱ কৰিবৰ বাবে চেষ্টা কৰি আহিছিল ৷ শনিবাৰে ছাত্ৰজনে শিক্ষা গ্ৰহণ কৰি থকা বিদ্যালয়খনত যন্ত্ৰটো ছাত্ৰ-ছাত্ৰীৰ সন্মুখত আনুষ্ঠানিকভাৱে প্ৰদৰ্শন কৰে ৷ মেধাসম্পন্ন অনন্য প্ৰতিভাৰ গৰাকী ছাত্ৰজনৰ এই উদ্ভাৱনত আনন্দিত হৈছে বিদ্যালয়ৰ শিক্ষক-শিক্ষাৰ্থীসকল ৷
ছাত্ৰজনে নাৰিকল ৰোকা যন্ত্ৰৰ লগতে পেলনীয়া সামগ্ৰীৰে সাজি উলিয়াইছে এক্সকেভেটৰ ৷ সম্পূৰ্ণৰূপে পেলনীয়া সামগ্ৰীৰে নিৰ্মাণ কৰা যন্ত্ৰটো বায়ু পদ্ধতিৰে চালিত ৷
লগতে পঢ়কঃনামবৰ বিজুলী বনাঞ্চলত বনৰীয়া হাতীৰ বাবে কলপুলি ৰোপন
