কলিয়াবৰ, ২২ জুলাই : ৰাজ্যত বৰ্তমানেও সক্ৰিয় হৈ আছে গৰুৰ চোৰাং বেহাখন । সমগ্ৰ ৰাজ্যত চোৰাং গৰুৰ বেহাৰ বাতৰিয়ে শিৰোনাম দখল কৰি থকাৰ সময়তে বুধবাৰে পুৱা চোৰাংভাৱে সৰবৰাহ কৰি নি থকাৰ অৱস্থাতে আৰক্ষীৰ তালাচীত বৃহৎ সংখ্যক গৰু উদ্ধাৰ হোৱা ঘটণাই ইতিমধ্যে চাঞ্চল্যৰ সৃষ্টি কৰিছে ।
কলিয়াবৰৰ উলুৱনী আৰক্ষীৰ জালত পৰা এই চোৰাং সৰবৰাহকাৰী চক্ৰটোৰ ৩০টাকৈ গৰু সৰবৰাকাৰীক আটক কৰা হৈছে। অসমৰ বিভিন্ন স্থানৰ পৰা চোৰাংভাৱে ১৩ খনকৈ বাহনত সৰবৰাহ কৰা হৈছিল এই গৰুখিনি । উলুৱনী আৰক্ষীৰ তালাচীত উদ্ধাৰ হোৱা এই ৭৮ গৰুৰ ভিতৰত ৬৯ টা মতা,৭ জনী মাইকী আৰু ২টা পোৱালি গৰু আছিল ।
ইতিমধ্যে,আৰক্ষীয়ে ভাৰতীয় দণ্ডবিধি আইনৰ কেইবাটাও ধাৰা সন্নিবিষ্ট কৰি উলুৱনী আৰক্ষী চকীত ৫০/২০২০ নম্বৰত এটা গোচৰ ৰুজু কৰি গ্ৰেপ্তাৰ কৰিছে আটাইকেইটা গৰুৰ চোৰাং সৰবৰাহকাৰীক ।
লগতে চাওকঃ পথাৰত কি কৰিছে সদৌ মৰাণ ছাত্ৰ সন্থাৰ সভাপতি অৰুণজ্যোতি মৰাণে
