নগাঁও,23 ফেব্ৰুৱাৰীঃ নগাঁৱৰ পলাশনীত সোমবাৰে নিশা সংঘটিত হৈছে এক গুলিচালনাৰ ঘটনা ৷ সোমবাৰে নিশা অজ্ঞাত দুৰ্বৃত্তৰ গুলিচালনাত আহত হয় এজন যুৱক ৷ গুলীবিদ্ধ যুৱকজন ধিঙৰ প্ৰণৱ নাথ বুলি চিনাক্ত কৰা হৈছে ৷
দুৰ্বৃত্তৰ গুলিচালনাত আহত যুৱক
ৰূপহীহাটৰ পৰা নগাঁও চহৰ অভিমুখে আহি থাকোতেই পলাশনীত এখন মটৰ চাইকেলত অহা দুই দুৰ্বৃত্তই আগুচি ধৰি যুৱকজনক উদ্দেশ্যি গুলিচালনা কৰে । এটা কোম্পানীত কৰ্মৰত যুৱকজনৰ পেটত গুলী লগাৰ ফলত গুৰুত্বৰভাৱে আহত হয় ৷ বৰ্তমান নগাঁও অসামৰিক চিকিৎসালয়ত চিকিৎসাধীন হৈ আছে গুলীবিদ্ধ যুৱকজন । আহত যুৱকজনৰ হাতত থকা ধন লুটৰ বাবে দুৰ্বৃত্তই এই ঘটনা সংঘটিত কৰাৰ সন্দেহ প্ৰকাশ কৰিছে আৰক্ষীয়ে । নগাঁও আৰক্ষীয়ে এই ঘটনাৰ সন্দৰ্ভত আৰম্ভ কৰিছে তদন্ত ৷
লগতে পঢ়কঃ মাৰ্চত ঘোষণা হ’ব পাৰে বিধানসভা নিৰ্বাচনৰ দিন: মোডী
