হায়দৰাবাদ: ব্লিংকিট হৈছে ভাৰতৰ দ্ৰুত ই-কমাৰ্চ কোম্পানী, যিয়ে 10 মিনিটত মানুহক সামগ্ৰী আৰু সেৱা প্ৰদান কৰে । এতিয়া ব্লিংকিটে 10 মিনিটত বেচিক লাইফ ছাপৰ্ট (বিএলএছ)ৰ সৈতে এম্বুলেন্স সেৱা প্ৰদান কৰিবলৈ আৰম্ভ কৰিছে । দিল্লী এন চি আৰৰ এখন চহৰ গুৰুগ্ৰামত পাঁচখন এম্বুলেন্সেৰে এই সেৱা আৰম্ভ কৰা হৈছে । ব্লিংকিটৰ এই এম্বুলেন্সসমূহত অক্সিজেন চিলিণ্ডাৰ আৰু অটোমেটেড এক্সটাৰ্নেল ডিফিব্ৰিলেটৰ (এইডি)ৰ দৰে গুৰুত্বপূৰ্ণ জীৱন ৰক্ষাকাৰী যন্ত্ৰ থাকিব ।
10 মিনিটত এম্বুলেন্স সেৱা উপলব্ধ হ’ব
Ambulance in 10 minutes.
— Albinder Dhindsa (@albinder) January 2, 2025
We are taking our first step towards solving the problem of providing quick and reliable ambulance service in our cities. The first five ambulances will be on the road in Gurugram starting today. As we expand the service to more areas, you will start… pic.twitter.com/N8i9KJfq4z
প্ৰতিখন বিএলএছ এম্বুলেন্সত এজন পেৰামেডিকেল, এজন সহায়ক আৰু এজন প্ৰশিক্ষিত চালক থাকিব যাতে তেওঁলোকে ৰোগীজনক অতি সোনকালে প্ৰয়োজনীয় চিকিৎসা সহায় আগবঢ়াব পাৰে । ব্লিংকিটৰ শীৰ্ষ কাৰ্যবাহী বিষয়া আলবিন্দৰ ধীন্দছাই X (পুৰণি নাম টুইটাৰ)ত এটা পোষ্টযোগে বিএলএছ এম্বুলেন্স সেৱা আৰম্ভ কৰাৰ কথা ঘোষণা কৰিছে । তেওঁৰ মতে, ব্লিংকিট কোম্পানীয়ে ভাৰতৰ চহৰসমূহত দ্ৰুত আৰু নিৰ্ভৰযোগ্য এম্বুলেন্স সেৱাৰ সমস্যা সমাধানৰ পৰিকল্পনা কৰিছে ।
অৱশ্যে বৰ্তমান এই সেৱা কেৱল গুৰুগ্ৰামতহে উপলব্ধ যদিও কোম্পানীটোৰ মুখ্য কাৰ্যবাহী বিষয়াগৰাকীয়ে তেওঁৰ পোষ্টৰ জৰিয়তে জনাইছে যে অতি সোনকালে দেশৰ অন্যান্য চহৰ আৰু অঞ্চলতো এই সেৱা আৰম্ভ কৰা হ’ব । কোম্পানীটোৰ লক্ষ্য হৈছে ব্লিংকিট এপৰ জৰিয়তে দেশজুৰি ৰাইজক বেচিক লাইফ চাপৰ্ট (বিএলএছ) এম্বুলেন্সৰ সুবিধা অতি সোনকালে প্ৰদান কৰা । মুখ্য কাৰ্যবাহী বিষয়াগৰাকীয়ে জনাইছে যে বৰ্তমান ব্লিংকিটৰ এম্বুলেন্স সেৱা সম্প্ৰসাৰণ পৰ্যায়ত আছে যদিও অহা দুবছৰত দেশৰ সকলো ডাঙৰ চহৰতে ইয়াক আৰম্ভ কৰাৰ লক্ষ্য লোৱা হৈছে ।
এম্বুলেঞ্চত বহু সা-সুবিধা থাকিব
প্ৰতিখন এম্বুলেন্সত অক্সিজেন চিলিণ্ডাৰ, এ ই ডি, ষ্ট্ৰেচাৰ, মনিটৰ, প্ৰয়োজনীয় মেচিনৰ লগতে জৰুৰীকালীন ঔষধ আৰু বেজীৰ দৰে সকলো প্ৰয়োজনীয় চিকিৎসা সামগ্ৰীৰ ব্যৱস্থা থাকিব । ৰোগীজনক প্ৰাথমিক চিকিৎসা প্ৰদানৰ বাবে এম্বুলেন্সত এজন পেৰামেডিকেল, এজন সহায়ক আৰু এজন প্ৰশিক্ষিত চালকও উপস্থিত থাকিব ।
এনে পৰিস্থিতিত প্ৰশ্ন উত্থাপন হয় যে 10 মিনিটত ৰোগীক এম্বুলেন্সৰ সুবিধা প্ৰদান কৰা কোম্পানী ব্লিংকিটে এই সেৱাৰ বাবে কিমান টকা ল’ব । যদিও, এই সন্দৰ্ভত সঠিক তথ্য এতিয়াও প্ৰকাশ কৰা হোৱা নাই, কিন্তু ব্লিংকিটে তেওঁলোকে আৰম্ভ কৰা এম্বুলেন্স সেৱা কোম্পানীটোৰ আৰ্থিক লক্ষ্য পূৰণৰ বাবে নহয় বুলি দাবী কৰে । কোম্পানীটোৱে জনোৱা মতে, ব্লিংকিটৰ এম্বুলেন্স সেৱা সুলভ মূল্যত ৰাইজৰ বাবে উপলব্ধ কৰা হ’ব । কোম্পানীটোৱে কয় যে তেওঁলোকৰ লক্ষ্য হৈছে দীৰ্ঘদিন ধৰি চলি থকা এই গুৰুতৰ সমস্যাটো সমাধান কৰা ।
পীয়ুষ গোৱেলৰ মন্তব্য
ব্লিংকিটে এই সেৱা আৰম্ভ কৰিম বুলি ঘোষণা কৰাৰ পাচতেই কেন্দ্ৰীয় মন্ত্ৰী পীয়ুষ গোৱেলে সংবাদ মাধ্যমৰ আগত কয়, "এম্বুলেন্স সেৱা বা ঔষধ ডেলিভাৰী কৰিম বুলি ব্লিংকিটে ঘোষণা কৰিছে ৷ তেওঁলোকে নিশ্চিত কৰিব লাগিব যে তেওঁলোকে দেশৰ আইন মানি চলে আৰু আন যিকোনো আইনী প্ৰয়োজনীয়তা সঠিকভাৱে নজৰ দিব লাগিব । দেশৰ কোনো আইন ভংগ হ’ব নালাগে ।"
