নগাঁও, 31 মে': ইটিভি ভাৰতত বাতৰি সম্প্ৰচাৰ হোৱাৰ পিছতেই কোৱাৰেণ্টাইন কেন্দ্ৰৰ পৰা পলায়ন কৰা যুৱকক লৈ হাহাকাৰ লাগিছিল নগাঁও জিলাত । কোভিড-১৯ ৰ ফলাফল অহাৰ পূৰ্বেই কোৱাৰেন্টাইন কেন্দ্ৰৰ পৰা পলায়ন কৰিছিল কঁচুৱাৰ অভিনন্দন দাস নামৰ যুৱকজন ৷ ঘটনাৰ সম্ভেদ লাভ কৰি ওৰে নিশা অভিযান চলালে নগাঁও আৰক্ষীয়ে ।
নগাঁও ভোগেশ্বৰী ফুকননী অসামৰিক চিকিৎসালয়ৰ কোৱাৰেণ্টাইন কেন্দ্ৰৰ দ্বিতীয় মহলাৰ পৰা শনিবাৰে পলায়ন কৰাৰ পিছত চিকিৎসালয় কৰ্তৃপক্ষই দাখিল কৰিছিল এজাহাৰ । ইটিভি ভাৰতত এই বাতৰি সম্প্ৰচাৰ হোৱাৰ পিছতেই অধিক তৎপৰতাৰে আৰক্ষীয়ে আটক কৰিবলৈ সক্ষম হয় পলায়ন কৰা অভিনন্দন দাসক ৷
