নগাঁও আৰক্ষীৰ অভিযানত জব্দ ড্ৰাগছ, পিষ্টল

নগাঁৱৰ কাতিমাৰীত আৰক্ষীৰ অভিযান । অভিযানত জব্দ পিষ্টল, গুলীৰ লগতে নিচাজাতীয় দ্ৰব্য।

নগাঁও, 20 অক্টোবৰ: মঙলবাৰে সন্ধিয়া নগাঁও আৰক্ষীৰ এটা দলে অভিযান চলাই বুজন পৰিমাণৰ নিচাজাতীয় দ্ৰব্যৰ জব্দ কৰে এটা পিষ্টলৰ লগতে 4 জাই সজীৱ গুলী । নগাঁৱৰ হয়বৰগাঁও আৰক্ষী চকীৰ ভাৰপ্ৰাপ্ত বিষয়া আবেদুৰ ৰহমানৰ নেতৃত্বত আৰক্ষীৰ এটা দলে গোপন সূত্ৰৰ তথ্যৰ ভিত্তিত, কাতিমাৰীৰ ছফিকুল ইছলাম নামৰ এজন লোকৰ ঘৰত অভিযান চলায় । অভিযানৰ সময়ত পলাতক অৱস্থাত আছিল অভিযুক্ত ছফিকুল ইছলাম । অৱশ্যে আৰক্ষীয়ে ছফিকুল ইছলামৰ পত্নী হাচিনা য়েচমিনক আটক কৰে ৷

লগতে পঢ়ক: ৰাইজৰ তৎপৰতাত আটক ড্ৰাগছ ক্ৰয়কাৰী যুৱক