নগাঁও,৪ নৱেম্বৰ : চাৰিওফালে দীপাৱলী (Diwali) আৰু কালী পূজাৰ ব্যাপক আনন্দ উল্লাহ দেখিবলৈ পোৱা গৈছে । বিভিন্ন প্ৰকাৰৰ চাকি, লাইট আদিৰে বজাৰ উভৈনদী হৈ পৰিছে । কিন্তু বিগত বছৰৰ দৰে এইবাৰো ফটকা (Firecrackers) আদি প্ৰদূষণ সৃষ্টিকাৰী আৰু উচ্চ প্ৰাবল্যৰ সামগ্ৰী ব্যৱহাৰৰ ক্ষেত্ৰত প্ৰশাসনে বিভিন্ন ধৰণৰ নিষেধাজ্ঞা জাৰি কৰিছে । লক্ষণীয়ভাৱে প্ৰশাসনৰ এই পদক্ষেপক সচেতন লোকসকলে সঁহাৰি জনাইছে যদিও একাংশ লোকে প্ৰশাসনৰ এই নিৰ্দেশনা অমান্য কৰা দেখা যায় ।
সেউজ দীপাৱলী উদযাপনৰ আহ্বান পান্থতৰু সংৰক্ষণীৰ
বিশেষকৈ দীপালৱীৰ সময়ত যথেষ্ট পৰিমাণে বায়ু আৰু শব্দ প্ৰদূষণ হোৱা দেখা যায় । চৰাই বা বিভিন্ন জীৱকূলৰ প্ৰতি ভাবুকি কঢ়িয়াই আনে এনে প্ৰদূষণে । সেয়ে ৰাইজক সজাগ কৰাৰ উদ্দেশ্যে প্ৰতিবছৰে বহু লোক ওলাই আহে । ইয়াৰ মাজতে নগাঁও জিলাত এটা প্ৰকৃতিপ্ৰেমী সংগঠনে ল'লে বিশেষ পদক্ষেপ ।
