কলিয়াবৰত হ'ম ডেলিভাৰী ম'বাইল এপ মুকলি

কৰ'ণাৰ জটিল সময়ছোৱাত এই হ'ম ডেলিভাৰী ব‍্যৱস্থাৰ জৰিয়তে সৰ্বসাধাৰণ গ্ৰাহক উপকৃত হ'ব বুলি সকলোৱে আশা কৰিছে । এপটোৰ জৰিয়তে শাক-পাচলি, ফল-মূল, ফাষ্ট-ফুডৰ পৰা গেলামালৰ সামগ্ৰীসহ মাছ-মাংসও উপলব্ধ হ'ব ।

কলিয়াবৰ, 2 চেপ্টেম্বৰ : নিত‍্য ব‍্যৱহাৰ্য‍ সামগ্ৰীসমূহ ঘৰৰ দুৱাৰমুখত পাব পৰাকৈ কলিয়াবৰৰ কুঠৰীত নতুনকৈ মুকলি হ'ল এক ম'বাইল এপ্লিকেছন । কলিয়াবৰৰ কুঠৰীৰ উদ‍্যোগী যুৱক দেৱজিৎ গগৈৰ প্ৰচেষ্টাত গ্ৰাহকৰ প্ৰয়োজনৰ প্ৰতি লক্ষ‍্য ৰাখি মুকলি কৰা এই ব‍্যৱস্থাটোৰ আনুষ্ঠানিকভাবে মুকলি কৰে কলিয়াবৰ মহকুমাৰ মহকুমাধিপতি বিতুপন নেওগে । কুঠৰীৰ লেণ্ডমাৰ্ক হোটেলত অনুষ্ঠিত এক সভাত এই এপটোৰ মুকলি অনুষ্ঠানত উপস্থিত থাকে 'বেম্ব লেডী অৱ ইণ্ডিয়া' খ‍্যাত নীৰা শৰ্মা।

কৰ'ণাৰ জটিল সময়ছোৱাত এই হ'ম ডেলিভাৰী ব‍্যৱস্থাৰ জৰিয়তে সৰ্বসাধাৰণ গ্ৰাহক উপকৃত হ'ব বুলি সকলোৱে আশা কৰিছে। এপটোৰ জৰিয়তে শাক-পাচলি, ফল-মূল, ফাষ্ট-ফুডৰ পৰা গেলামালৰ সামগ্ৰীসহ মাছ-মাংসও উপলব্ধ হ'ব। D'Haat নামৰ 'এপ'টো এণ্ড্ৰইড ম'বাইল ফোনৰ 'প্লে' ষ্ট'ৰ'ৰ পৰা ডাউনল'ড কৰি ব্যৱহাৰ কৰিব পাৰিব ৷

লগতে পঢ়ক : দক্ষ স্তনপানে শিশুৰ সৰ্বোত্তম পুষ্টি নিশ্চিত কৰে