ৰূপহীহাট, ২৫ মে': শেহতীয়াকৈ নগাঁও জিলাত নতুন আৰক্ষী অধীক্ষকে দায়িত্ব গ্ৰহণ কৰাৰ পিছতে সক্ৰিয় হৈ পৰিছে নগাঁও আৰক্ষী । নগাঁও জিলাৰ ৰূপহীহাটৰ লগতে জুৰীয়া আৰক্ষীয়ে চোৰ, ডকাইত লগতে বিভিন্ন অনৈতিক কাৰ্যকলাপৰ বিৰুদ্ধে অভিযান আৰম্ভ কৰিছে ।
মঙলবাৰেও জুৰীয়া আৰক্ষীয়ে এক বিশেষ অভিযান চলায় । অভিযানত আৰক্ষীৰ জালত পৰে এটা দুধৰ্ষ ডকাইত । ধৃত ডকাইতটো জুৰীয়াৰ বগুৰিগুৰিৰ আজাহাৰ উদ্দিন বুলি জানিব পৰা গৈছে ৷
বিভিন্ন সময়ত জুৰীয়াত ডকাইতি কাণ্ড সংঘটিত কৰি পলাতক অৱস্থাত আছিল ধৃত আজাহাৰ ৷ আৰক্ষীয়ে এক গোপন খবৰৰ ভিত্তিত আজাহাৰ উদ্দিনক গ্ৰেপ্তাৰ কৰিবলৈ সক্ষম হোৱাৰ লগতে এখন AS-০২-Z-১৭৯৮ নম্বৰৰ দুচকীয়া বাহনো জব্দ কৰে ৷
লগতে পঢ়ক:এগৰাকী যুৱতীক মাৰপিট কৰি ভিডিঅ' ভাইৰেল কৰিলে চাৰিজন যুৱকে
