ৰূপহীহাট, 4 জানুৱাৰী : ৰাজ্যত দিনে দিনে বৃদ্ধি পাই আহিছে গৰু চোৰৰ উপদ্ৰৱ ৷ দেওবাৰে নগাঁৱৰ ৰূপহীহাটৰ জুৰীয়াত চোৰাং গৰু সৰবৰাহকাৰীৰ বিৰুদ্ধে আৰক্ষীয়ে চলাই অভিযান ৷ এক গোপন খবৰৰ পম খেদি জুৰীয়াৰ মেলেকাধিং গাঁৱত আৰক্ষীয়ে অভিযান চলাই ২৭ টা গৰুসহ AS-02BC-7065 নম্বৰৰ এখন ট্ৰাক জব্দ কৰাৰ লগতে চাৰিজনকৈ চোৰাং গৰু সৰবৰাহকাৰীক আটক কৰে ৷
ৰূপহীহাটৰ জুৰীয়াত চাৰি চোৰাং গৰু সৰবৰাহকাৰী আটক
আটক হোৱা চোৰাং গৰু সৰবৰাহকাৰী কেইজন হ'ল ক্ৰমে আজিজুল হক,ইমদাদুল ইছলাম,মজিবুৰ ইছলাম আৰু মজিবুৰ ৰহমান। আৰক্ষীয়ে জনোৱা মতে, শিৱসাগৰৰ পৰা লৈ আনিছিল গৰু কেইটা । ইতিমধ্যে আৰক্ষীয়ে গৰু সৰবৰাহকাৰীৰ বিৰুদ্ধে তদন্ত অব্যাহত ৰাখিছে ৷
লগতে পঢ়ক: স্বামীক হত্যা কৰি তিনি সন্তানসহ মহিলাৰ আত্মহত্যাৰ চেষ্টা
