নগাঁও, 12 এপ্ৰিল: সোমবাৰে নিশা নগাঁৱৰ ডিমৰুগুৰিত এক ভয়ংকৰ পথ দূৰ্ঘটনাক কেন্দ্ৰ কৰি সৃষ্টি হোৱা উত্তপ্ত পৰিস্থিতি সন্দৰ্ভত নগাঁও সদৰ আৰক্ষী থানাত ৰুজু হৈছে গোচৰ ৷ ডিমৰুগুৰিত সংঘটিত পথ দুৰ্ঘটনাটোৰ ফলত থিতাতে নিহত হৈছিল 3 জনকৈ যুৱক ৷ এই দূৰ্ঘটনাক কেন্দ্ৰ কৰি আৰক্ষী আৰু একাংশ ৰাইজৰ মাজত সৃষ্টি হৈছিল উত্তপ্ত পৰিস্থিতিৰ (Nagaon Tense Situation) ৷
দুর্ঘটনাৰ খবৰ লাভ কৰাৰ পিচতেই দুর্ঘটনাস্থলীত উপস্থিত হৈ যুৱক তিনিজনক উদ্ধাৰৰ চেষ্টা চলাওঁতেই একাংশ উত্তেজিত লোকে আক্ৰমণৰ চেষ্টা চলাইছিল যান-বাহন আৰক্ষীক ৷ আনকি যান-বাহন আৰক্ষীৰ বাহনতো আক্ৰমণ চলায় একাংশ উত্তেজিত লোকে (Public attack on police van in Nagaon) ৷ একাংশ উত্তেজিত লোকে নগাঁও আৰক্ষীৰ যান-বাহন আৰক্ষীৰ ভাৰপ্ৰাপ্ত বিষয়া ৰবীন ফুকনসহ যান-বাহন আৰক্ষীৰ দলটোক শাৰীৰিকভাৱে অপদস্থ কৰে ৷ ফলত তিনি-চাৰিজনকৈ আৰক্ষী আঘাতপ্ৰাপ্ত হয় (Tense situation in Dimoruguri Nagaon) ৷
পৰিস্থিতি অধিক উত্তপ্ত হৈ পৰাত পৰৱৰ্তী সময়ত নগাঁও সদৰ আৰক্ষী থানাৰ ভাৰপ্ৰাপ্ত বিষয়া মনোজ ৰাজবংশীৰ নেতৃত্বত আৰক্ষীৰ এটা দল ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰিবলৈ সক্ষম হয় ৷ এই সন্দৰ্ভত নগাঁও আৰক্ষীৰ যান-বাহন শাখাৰ ভাৰপ্ৰাপ্ত বিষয়া ৰবিন ফুকনে মঙলবাৰে দাখিল কৰিছে এজাহাৰ ৷ ৰবিন ফুকনৰ এজাহাৰৰ ভিত্তিত নগাঁও সদৰ আৰক্ষীয়ে এক গোচৰ ৰুজু কৰি আৰম্ভ কৰিছে তদন্ত ৷ অৱশ্যে বাতৰি যুগুত কৰা পৰলৈকে আটক কৰা হোৱা নাই কোনো লোকক ৷
উল্লেখযোগ্য যে, ভয়ংকৰ পথ দুর্ঘটনাটোক কেন্দ্ৰ কৰি সোমবাৰে নিশা উত্তপ্ত পৰিস্থিতিৰ সৃষ্টি হয় নগাঁৱৰ ডিমৰুগুৰিত | নিশা স্কুটী আৰু ট্ৰাকৰ মাজত হোৱা মুখামুখি সংঘৰ্ষৰ থিতাতে নিহত হয় 3 জন যুৱক ৷ পথ দুর্ঘটনাত তিনি যুৱকৰ মৃত্যুক কেন্দ্ৰ কৰি সোমবাৰে নিশা নগাঁৱৰ ডিমৰুগুৰিত সৃষ্টি হৈছিল উত্তেজনাৰ ৷ দুৰ্ঘটনাত নিহত তিনিওগৰাকীৰে ঘৰ নগাঁৱৰ ডিমৰুগুৰিত ৷ দুৰ্ঘটনাটোত অঞ্চলটোৰ তিনিগৰাকীকৈ যুৱকৰ মৃত্যু হোৱাৰ পিচতেই ৰাষ্ট্ৰীয় ঘাইপথ অৱৰোধ কৰি উত্তাল প্ৰতিবাদ সাব্যস্ত কৰিছিল স্থানীয় ৰাইজে আৰু ইয়াতেই একাংশ উত্তেজিত লোকে আক্ৰমণৰ চেষ্টা চলাইছিল যান-বাহন আৰক্ষীক ৷
লগতে পঢ়ক: Ashok Singhal reacts on Encroachment: বিপদত পৰিব অবৈধ নিৰ্মাণকাৰ্যত অনুমতি দিয়া GMC ৰ বিষয়া
