নগাঁও,২৮ নৱেম্বৰ : নগাঁৱত অনুষ্ঠিত হৈছে ভাৰতীয় জনতা যুৱ মৰ্চাৰ ৰাজ্যিক কাৰ্যনিৰ্বাহক সভা (BJYM State Executive Meeting at Nagaon)। সভাত ৰাজ্যৰ প্ৰতিখন জিলাৰে প্ৰায় ৪০০ প্ৰতিনিধিয়ে অংশগ্ৰহণ কৰিছে । অনুষ্ঠানত ভাৰতীয় জনতা পাৰ্টিৰ ৰাজ্যিক সভাপতি ভৱেশ কলিতাৰ (Bhabesh Kalita at BJYM executive meeting) লগতে কেইবাগৰাকী সাংসদ আৰু কেবিনেট মন্ত্ৰীও উপস্থিত থকাৰ সম্ভাৱনা আছে । ৰাজ্যিক কাৰ্যনিৰ্বাহক সম্পৰ্কে এক সংবাদমেল সম্বোধন কৰে যুৱ মৰ্চাৰ নেতাসকলে ।
সংবাদমেল সম্বোধন কৰি কাৰ্যনিৰ্বাহকৰ উদ্দেশ্য সম্পৰ্কে সাংবাদিকক অৱগত কৰে যুৱ মৰ্চাৰ সভাপতি সিদ্ধাংকু অংকুৰ বৰুৱাই । সভাপতিগৰাকীৰ মতে এই সভাত যুৱ মৰ্চাৰ আগন্তুক দিনৰ সাংগঠনিক কাৰ্যপন্থাৰ লগতে বিভিন্ন দিশৰ ওপৰত আলোচনা কৰা হ'ব । ইফালে এই সভাত অসমৰ ভিন্ন কলা-সংস্কৃতিৰ নিদৰ্শন দেখিবলৈ পোৱা যাব বুলিও উল্লেখ কৰে সভাপতিগৰাকীয়ে ।
সংবাদমেলৰ জৰিয়তে যুৱ মৰ্চাই অসমৰ মুখ্যমন্ত্ৰী ড৹ হিমন্ত বিশ্ব শৰ্মাই গ্ৰহণ কৰা বিভিন্ন পদক্ষেপক আদৰণি জনায় । বিশেষকৈ সত্ৰ আৰু চৰকাৰী ভূমি বেদখলমুক্ত কৰাৰ বাবে চৰকাৰে যি ব্যৱস্থা গ্ৰহণ কৰিছে তাক আদৰণি জনায় যুৱ মৰ্চাই । আগন্তুক দিনত চৰকাৰৰ এনে পদক্ষেপত সহযোগ কৰাৰো প্ৰতিশ্ৰুতি দিয়ে বিজেপি যুৱ মৰ্চাৰ নেতাসকলে ।
শেহতীয়াকৈ অসমীয়া ভাষাক অপমান কৰি গ্ৰেপ্তাৰ হৈছে বৰাকৰ বিতৰ্কিত বঙালী নেতা প্ৰদীপ দত্ত ৰয় (Controversial Bengali leader Pradeep Dutta Roy arrested) । প্ৰদীপ দত্ত ৰয় সন্দৰ্ভতো প্ৰতিক্ৰিয়া ব্যক্ত কৰি যুৱ মৰ্চাৰ সভাপতিগৰাকীয়ে কয় যে, অসমৰ জাতি-জনগোষ্ঠীক অপমান কৰাৰ কাৰোৱে অধিকাৰ নাই । সেয়ে নেতাগৰাকীক গ্ৰেপ্তাৰৰ ক্ষেত্ৰত চৰকাৰক সমৰ্থন (BJYM supports Pradeep Dutta Roy's arrest) জনোৱাৰ কথাও ক'লে যুৱ মৰ্চাৰ সভাপতিগৰাকীয়ে ।
লগতে পঢ়ক :Assam Olympic Association : অসম অলিম্পিক সন্থাৰ বিশেষ কাৰ্যনিৰ্বাহক সভা সম্পন্ন
