প্ৰাৰ্থীত্ব লাভৰ পাছত গৃহ সমষ্টিত উপস্থিত আঙুৰলতা

এইবাৰ নিৰ্বাচনত আঙুৰলতাই বটদ্ৰৱা সমষ্টিৰ পৰা প্ৰাৰ্থীত্ব লাভ কৰাকলৈ প্ৰশ্নৰ সৃষ্টি হৈছিল ৷ কিন্তু সকলো জল্পনা কল্পনা অন্ত পেলাই বিজেপি দলে পুনৰ আঙুৰলতাক সমষ্টিটোৰ পৰা প্ৰাৰ্থীত্ব প্ৰদান কৰাত তেওঁৰ সমৰ্থকৰ মাজত সৃষ্টি হয় আনন্দ উল্লাসৰ ৷

বটদ্ৰৱা, 7 মাৰ্চ : বটদ্ৰৱা সমষ্টিত বিজেপি দলৰ পৰা প্ৰাৰ্থী লাভৰ পাছতেই দেওবাৰে সমষ্টিটোত উপস্থিত হয় বিধায়িকা আঙুৰলতা ডেকা । বিজেপি দলৰ পৰা প্ৰাৰ্থীগৰাকী সমষ্টিত উপস্থিত হোৱাৰ লগে লগে উষ্ম আদৰণি জনায় দলীয় নেতা কৰ্মীয়ে । উল্লেখ্য যে, এইবাৰ নিৰ্বাচনত আঙুৰলতাই বটদ্ৰৱা সমষ্টিৰ পৰা প্ৰাৰ্থীত্ব লাভ কৰাকলৈ প্ৰশ্নৰ সৃষ্টি হৈছিল ৷ বিজেপি দলে আঙুৰলতাৰ স্থানত আন কোনো প্ৰাৰ্থীকহে সমষ্টিটোৰ পৰা টিকট দিব বুলি সৰৱ চৰ্চা চলিছিল ৷ কিন্তু ইয়াৰ বিপৰীতে আঙুৰলতাই সমষ্টিটোৰ পৰা পুনৰ টিকট লাভ কৰি বিজেপি দলৰ হৈ নিৰ্বাচনত প্ৰতিদ্বন্দিতা কৰাৰ ক্ষেত্ৰত ইতিবাচক মনোভাৱ গ্ৰহণ কৰিছিল ৷

অৱশেষত এই সকলো জল্পনা কল্পনা অন্ত পেলাই বিজেপি দলে পুনৰ আঙুৰলতাক সমষ্টিটোৰ পৰা প্ৰাৰ্থীত্ব প্ৰদান কৰে ৷ আঙুৰলতাই প্ৰাৰ্থীত্ব লাভৰ পাছতেই সমষ্টিটোত সৃষ্টি হয় আনন্দ উল্লাসৰ ৷ যাৰ বাবে আজি বিজেপি প্ৰাৰ্থীগৰাকী বটদ্ৰৱা সমষ্টিত উপস্থিত হোৱাৰ পাছতেই নৃত্য গীত আতচবাজিৰে মুখৰিত হৈ পৰে । নেতা কৰ্মীৰ লগত নাচি বাগি আনন্দত আত্মহাৰা হৈ পৰে বিধায়িকাগৰাকী ।

প্ৰাৰ্থীত্ব লাভৰ পাছত গৃহ সমষ্টিত উপস্থিত আংগুৰলতা

লগতে পঢ়ক : দলীয় টিকটক কেন্দ্ৰ কৰি বিজেপি-ইউপিপিএলৰ টনা-আঁজোৰা