মাংগলিক ধ্বনিৰে মুখৰিত গুৰুজনাৰ জন্মস্থান বটদ্ৰৱা

সত্ৰৰ ভকত বৈষ্ণৱ সমন্বিতে বটদ্ৰৱা থানৰ হাটীবহাৰ কেৱলীয়া ভকত বৈষ্ণৱ, আইমাতৃ আৰু সত্ৰৰ গায়ন-বায়ন সকলে সামাজিক দূৰত্ব মানি ডবা,নেগেৰা, তাল, খোল দেৱবাদ্য বজায় হৰি নামৰ উচ্চাৰণৰ মাজেৰে কৰ'ণা নিপাত যোৱাৰ বাবে ঘোষা গায় ঈশ্বৰৰ চৰণত প্ৰাৰ্থনা জনায়।

বটদ্ৰৱা, 31 জুলাই : বৃহস্পতিবাৰে সন্ধিয়া দেৱবাদ্যৰ ধ্বনিৰে মুখৰিত হয় গুৰুজনাৰ জন্মস্থান বটদ্ৰৱা । ধৰ্মীয় আৰু আধ্যাত্মিক ক্ষেত্ৰৰ লগত জড়িত নেতৃস্থানীয় লোকৰ আহ্বানৰ প্ৰতি সঁহাৰি জনায় বটদ্ৰৱাত কৰ'ণাৰ বিৰুদ্ধে নাম কীৰ্ত্তন আৰু সামূহিক প্ৰাৰ্থনা জনায় ভকত বৈষ্ণৱসকলে । বৃহস্পতিবাৰে অসমৰ সত্ৰ তথা ধৰ্ম সংস্কৃতিৰ পীঠস্থান সমূহ বিশেষকৈ মন্দিৰ আৰু নামঘৰ সমূহত শাওন মাহৰ শুক্লা একাদশী তিথি উপলক্ষে গায়ন-বায়নসকলে দেৱবাদ্য বজায় ৷

লগতে পঢ়কঃ ধৰ্মীয় অনুষ্ঠানৰ ক্ষেত্ৰত কঠোৰ হ'লেই স্তিমিত নহয় কৰ'ণাৰ সংক্ৰমণ : ডঃ হাফিজ ৰফিকুল ইছলাম

গুৰুজনাৰ জন্মস্থান বটদ্ৰৱাতো কৰ'ণাৰ পৰা পৰিত্ৰাণ বিচাৰি সন্ধিয়া ৬-৪৫ বজাত শ্ৰী শ্ৰী বটদ্ৰৱা থানৰ ঐতিহাসিক কীৰ্তনঘৰৰ সিংহদ্বাৰৰ সন্মুখত সৰ্বমংগলময় এক বিশেষ প্ৰাৰ্থনা আৰু সামূহিক মংগল ধ্বনিৰে ভগৱানৰ ওচৰত প্ৰাৰ্থনা জনায় ৷ সত্ৰৰ ভকত বৈষ্ণৱ সমন্বিতে বটদ্ৰৱা থানৰ হাটীবহাৰ কেৱলীয়া ভকত বৈষ্ণৱ, আইমাতৃ আৰু সত্ৰৰ গায়ন-বায়ন সকলে সামাজিক দূৰত্ব মানি ডবা,নেগেৰা, তাল, খোল দেৱবাদ্য বজায় হৰি নামৰ উচ্চাৰণৰ মাজেৰে কৰ'ণা নিপাত যোৱাৰ বাবে ঘোষা গায় ঈশ্বৰৰ চৰণত প্ৰাৰ্থনা জনায়।