বটদ্ৰৱা, 18 জানুৱাৰীঃ গড়কাপ্তানী মন্ত্ৰী ড° হিমন্ত বিশ্ব শৰ্মাই ৰাজ্যৰ বাট-পথৰ আমোল পৰিবৰ্তনৰ বিষয়ে যিমানেই ফুটনি নামাৰক কিয় সেই কথা কেবল সীমাবদ্ধ সংবাদ মাধ্যমৰ কেমেৰাৰ সন্মুখতহে ৷ কাৰণ বটদ্ৰৱাত এতিয়া জৰাজীৰ্ণ পথ নির্মাণ কৰিছে ৰাইজৰ গাঁঠিৰ ধনেৰে । কিন্তু সকলো দেখিও চকু মুদা কুলিৰ ভাও জুৰি আছে সমষ্টিৰ বিধায়িকা আঙুৰলতা ডেকাই । বিধায়িকাগৰাকীয়ে সভা সমিতিয়ে সমষ্টিৰ উন্নয়নৰ কথা কয় যদিও সঁচা অৰ্থত প্ৰকৃত ৰহস্য ফাদিল নকৰিলে অপুনি হয়তো গমেই নাপাব বিধায়িকাগৰাকীয়ে উন্নয়নৰ নামত কৰা কোবাই থকা ফঁটা ঢোলটোৰ কথা ।
প্ৰকৃততে সমষ্টিটোত সঠিক ৰূপত ৰূপায়ন হৈছেনে অভিলাষী আঁচনিসমূহ ? বিগত সময়ত এফালে যদি বিধায়িকাগৰাকীয়ে মাৰাথন আধাৰশিলা স্থাপন কৰি অভিলেখ গঢ়াৰ চেষ্টা চলাইছে আনফালে আকৌ এনেকৈ ৰাইজৰ গাঁঠিৰ ধনেৰে নিৰ্মাণ কৰিছে গড়কাপ্তানী বিভাগৰ পথ । মুঠৰ উপৰত সমষ্টিৰ উন্নয়নৰ ক্ষেত্ৰত ৰহস্যজনক নিৰৱ দৰ্শক হৈ ৰৈছে সভাই সমিতিয়ে উন্নয়নৰ কথাৰে ফুলজাৰি মাৰা বিধায়িকাগৰাকী ।
লগতে পঢ়কঃ শীঘ্ৰেই ভাৰতে লাভ কৰিব S-400 এয়াৰ ডিফেন্স ক্ষেপনাস্ত্ৰ
এইটো বটদ্ৰৱা সমষ্টিৰ ধিং গড়কাপ্তানি পথৰ মেৰাটলৰ পৰা আলিটাঙনী সংযোগী পথ । বিগত কংগ্ৰেছ চৰকাৰৰ দিনত এই পথটো মেৰামতিৰ কাম কৰা হৈছিল যদিও বৰ্তমান চাৰি বছৰে এই পথটো জৰাজীৰ্ণ হৈ জমৰ যাতনাৰে নিতৌ পথাচাৰীয়ে কৰিবলগীয়া হৈছে যাতায়ত । বিধায়িকা আঙুৰলতা ডেকাই এই ক্ষেত্ৰত কাণষাৰ নিদিয়াৰ অভিযোগ উত্থাপন কৰিছে খোদ বিজেপি দলৰ কৰ্মী সকলে।
