নগাঁও, ৩০ এপ্ৰিলঃ ৰূপহীহাট সমষ্টিৰ বিধায়ক নুৰুল হুদাই হোৱাটছ্ এপ্ যোগে বিভিন্ন গ্ৰপত প্ৰেৰণ কৰা এক আজৱ মেছেজে তোলপাৰ লগাইছে ইছলাম ধৰ্মীয় ইমাম সমাজত । মনৰ আশা পূৰণ হ'ব বুলি মেছেজ বিলাই ফুৰিছে বিধায়কজনে ৷
অন্ধ বিশ্বাস আৰু ভুৱা প্ৰচাৰৰ বিৰুদ্ধে সজাগতা সৃষ্টিৰ বাবে সময়ে সময়ে গ্ৰহণ কৰা হয় নানা পদক্ষেপ। তেনে সময়তে এগৰাকী বিধায়কেই অন্ধ বিশ্বাস আৰু ভুৱা বাতৰি প্ৰচাৰত ব্যস্ত হৈ পৰিছে । মনৰ আশা পূৰণৰ বাবে বিধায়কজনে whatsapp গ্ৰুপে গ্ৰুপে প্ৰেৰণ কৰিছে বাৰ্তা ।
বাৰ্তাটোত "মছজিদত নাহাঁহিব, হাঁহিলে আল্লাহ অসন্তুষ্ট হয়" আদি আহ্বান জনোৱা হৈছে । বাৰ্তাটোৰ শেষৰফালে উল্লেখ আছে এই মেছেজটো 13 জনক প্ৰেৰণ কৰিলে দুই ঘণ্টাৰ ভিতৰত পূৰণ হ'ব মনৰ আশা । এগৰাকী বিধায়কৰ এই কাণ্ডত এতিয়া ইছলাম ধৰ্মীয় সমাজ তথা সচেতন মহলত প্ৰতিক্ৰিয়া সৃষ্টি হৈছে ৷
অধিক জানিবলৈ-সাংবাদিকক জেৰা আগৰতলা আৰক্ষীৰ
