কংগ্ৰেছৰ সৈতে মিত্ৰতা ভংগৰ হুংকাৰ বিধায়ক আমিনুলৰ

আগন্তুক বিধানসভা নিৰ্বাচন চমু চাপি অহাৰ সময়তে যেন ফাঁট মেলিব ধৰিছে কংগ্ৰেছ-এআইইউডিএফ-ৰ মিত্ৰতাত । ধিং সমষ্টিৰ এআইইউডিএফ-ৰ বিধায়ক আমিনুল ইছলামে কংগ্ৰেছ নেতৃত্বক প্ৰদান কৰিলে সকীয়নি ৷

নগাঁও,17 ফেব্ৰুৱাৰীঃ নাগৰিকত্ব সংশোধনী আইনক লৈ কংগ্ৰেছে দুমুখীয়া স্থিতি গ্ৰহণ কৰাৰ অভিযোগ উত্থাপন কৰিছে ধিঙৰ বিধায়ক আমিনুল ইছলামে ৷ এই সন্দৰ্ভত স্থিতি স্পষ্ট কৰিবলৈ কংগ্ৰেছক আহ্বান জনাইছে বিধায়ক ইছলামে । অন্যথা মিত্রতা ভংগ কৰাৰ হুংকাৰ প্ৰদান কৰে বিধায়ক আমিনুল ইছলামে । নাগৰিকত্ব সংশোধনী আইন সমৰ্থনকাৰী কংগ্ৰেছৰ নেতাসকলক দলীয় নেতৃত্বই দলৰ পৰা বহিষ্কাৰ কৰিব লাগে বুলিও দাবী উত্থাপন কৰে বিধায়ক আমিনুল ইছলামে ৷

শিৱসাগৰত অনুষ্ঠিত কংগ্ৰেছৰ জনসভাত ৰাহুল গান্ধীৰ সন্মুখত কংগ্ৰেছ নেত্রী সুস্মিতা দেৱে নাগৰিকত্ব সংশোধনী আইন বিৰোধী গামোচা পৰিধান নকৰাৰ বাবে ধিঙৰ বিধায়কগৰাকীয়ে এই প্ৰতিক্ৰিয়া প্ৰকাশ কৰে । ইয়াৰ লগতে আৰক্ষী বিভাগৰ এছ আই পদৰ নিযুক্তি প্ৰক্ৰিয়াত দুৰ্নীতি সংঘ​টিত হোৱা বুলি বিস্ফোৰক মন্তব্য কৰে বিধায়ক আমিনুল ইছলামে ৷

লগতে পঢ়কঃ চেঙাত পাঁচটাকৈ প্ৰকল্পৰ আধাৰশিলা স্থাপন বিধায়ক শুকুৰ আলী আহমেদৰ