নগাঁও, 16 মাৰ্চঃ সোমবাৰে নগাওঁ আদালতত দেশ কঁপাই যোৱা ডকমকা কাণ্ডৰ গোচৰৰ শুনানি গ্ৰহণ কৰা হয় । আদালতত পুনৰ ভাষ্য সলনি কৰিলে আন দুজনকৈ সাক্ষীয়ে । সোমবাৰে নগাওঁ জিলা ও সত্ৰ ন্যায়াধীশ আদালতে গ্ৰহণ কৰে দুজনকৈ সাক্ষীৰ সাক্ষ্য। ৰূপচন ইংতি আৰু ৰাজু বসুমতাৰী নামৰ দুজনকৈ সাক্ষীৰ সাক্ষ্য গ্ৰহণ কৰিলে আদালতে ।
নীল অভি হত্যাকাণ্ডৰ গোচৰৰ শুনানিঃ
দুয়োজনেই পূৰ্বে দিয়া সাক্ষীৰ বিপৰীত সাক্ষ্য প্ৰদান কৰা বুলি দাবী কৰিছে নিলোৎপল, অভিজিতৰ পৰিয়ালে । নিলোৎপল দাস আৰু অভিজিত নাথক কাৰ্বি আংলংৰ ডকমকাত এডল পাষণ্ডই মৰিয়াই মৰিয়াই হত্যা কৰা ঘটনাৰ চাক্ষুষ সাক্ষীয়ে কাৰোবাৰ প্ৰৰোচনাত পৰি ভাষ্য সলনি কৰা বুলিও মন্তব্য কৰে পৰিয়ালৰ লোকে । আদালতত সাক্ষীৰ ভাষ্য সলনিক লৈ এতিয়া চিন্তিত হৈ পৰিছে নিলোৎপল অভিজিতৰ পৰিয়ালৰ লোক । অহা ২১ মাৰ্চত নগাওঁ আদালতে পুনৰ গ্ৰহণ কৰিব গোচৰটোৰ শুনানি ।
