নগাঁও, 25 মে' : নগাঁও আৰক্ষীয়ে নগাঁৱৰ কচুৱা তিনিআলি বজাৰত 5.3 গ্ৰাম হেৰ'ইন সহ আটক কৰে দুই ড্ৰাগছ সেৱনকাৰীক ৷ ধৃত যুৱক দুজন থিৰাং ৰংপি আৰু এডিছন টেৰাং বুলি জানিবলৈ দিছে আৰক্ষীৰ সুত্ৰই ৷ যুৱক দুজনৰ ঘৰ পশ্চিম কাৰ্বি আংলঙৰ বৈঠালাংছত ।
যুৱক দুজনে কচুৱা তিনিআলিৰ এগৰাকী মহিলাৰ পৰা ক্ৰয় কৰিছিল ড্ৰাগছ সমূহ ৷ গোপন সূত্ৰৰ পম খেদি ৰাইজৰ সহযোগত আৰক্ষীয়ে আটক কৰে যুৱক দুজনক । যুৱক দুজনে স্বীকাৰ কৰা মতে ছাজিদা বেগম নামৰ এগৰাকী মহিলাই দিছিল ড্ৰাগছখিনি ৷ বৰ্তমান মহিলা গৰাকীক আটক কৰি সোধ-পোছ অব্যাহত ৰাখিছে আৰক্ষীয়ে ৷
