থ্ৰ' বলিঙক কেন্দ্ৰ কৰি মৰিগাঁৱত দুই দলৰ মাজত উত্তেজনাময় পৰিস্থিতি

মৰিগাঁৱত উত্তেজনা ৷ এখন ক্ৰিকেট খেলক লৈ সৃষ্টি হয় এই উত্তেজনাৰ ৷ দৰ্শকক টিকটৰ মূল্য ঘূৰাই দিবলৈ বাধ্য হ’ল খেল কমিটীয়ে ৷

মৰিগাঁও, 3 নৱেম্বৰ : মৰিগাঁও জিলাৰ লাহৰীঘাটৰ হাহঁচৰা বড়ীত অনুস্থিত ক্ৰিকেটৰ ফাইনেল খেলখনত সৃষ্টি হয় এক উত্তেজনাময় পৰিস্থিতিৰ ৷ থ্ৰ' বলিঙক কেন্দ্ৰ কৰি দুই দলৰ মাজত সৃষ্টি হয় উত্তেজনাময় পৰিস্থিতি ৷

উত্তেজনাময় পৰিস্থিতিৰ বাবে বহু সময় ধৰি বন্ধ হৈ পৰিছিল খেলখন । ইফালে খেল অনুষ্ঠিত নোহোৱাত উত্তেজিত ৰাইজে খেলত ব্যবহৃত চকী সমূহ ভাঙি কৰিলে লণ্ডভণ্ড ৷ অৱশ্যে ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰিবলৈ সক্ষম হয় ৷

উল্লেখ্য যে, ছৈয়দ মোদী স‌ংঘ, দলৈগাঁও আৰু মিজান 11, দাতিয়ালবড়ীৰ মাজত অনুষ্ঠিত হৈছিল ক্ৰিকেটৰ এই ফাইনেল খেলখন । অৱশেষত খেল অনুষ্ঠিত নোহোৱাৰ বাবে টিকটৰ মূল্য ঘূৰাই দিবলৈ বাধ্য হয় খেল পৰিচালনা সমিতিয়ে ৷

লগতে পঢ়ক :COVID-19 প্ৰ'ট'কল মানি ডিব্ৰুগড়ৰ শিক্ষানুষ্ঠানত পাঠদান আৰম্ভ