মৰিগাঁও,17 জানুৱাৰীঃ মৰিগাঁৱৰ লাহৰীঘাটৰ জৰাজীৰ্ণ ৰাস্তাই জীয়াতু ভোগাইছে সৰ্বসাধাৰণ ৰাইজক । নগাঁও-ভূৰাগাঁও সংযোগী গড়কাপ্তানি পথটো বিগত বৰ্ষৰ বাঢ়নী পানীয়ে খহাই নিয়াৰ ফলত গাড়ী-মটৰৰ যাতায়ত ব্যৱস্থা সম্পূৰ্ণৰূপে স্তব্ধ হৈ পৰে । লগতে টেঙাগুৰি বজাৰৰ পশ্চিম দিশত থকা পকী দলঙখনৰ কাম প্ৰায় ৮ বছৰ আগতেই আৰম্ভ হৈছিল যদিও বৰ্তমানেও সম্পূৰ্ণ নোহোৱাৰ ফলত বাঁহৰ দলঙেৰে দৈনিক কেইবা সহস্ৰাধিক পথাচাৰীৰ লগতে কেইবাখন শিক্ষানুষ্ঠানৰ ছাত্ৰ ছাত্ৰীয়ে বিপদসংকুলভাৱে পৰা হ'বলগীয়া হয় ।
আনহাতে,টেঙাগুৰি বজাৰৰ পূব দিশত থকা পকী দলঙখনৰ দুয়োটা মূৰ বানপানীয়ে খহাই নিয়াত খেতি পথাৰেৰে যাতায়ত কৰিবলগীয়া পৰিস্থিতি হৈছে স্থানীয় ৰাইজে। বানপানী শুকোৱাৰ পাছ-ছয় মাহৰ পিছতো জৰাজীৰ্ণ ৰাস্তা-ঘাট মেৰামতি নকৰা গুৰুতৰ অভিযোগ উত্থাপন কৰিছে স্থানীয় ৰাইজে। অতি কম সময়ৰ ভিতৰত দলঙকেইখন মেৰামতি কৰি যাতায়তৰ ব্যৱস্থা কৰি দিবলৈ স্থানীয় ৰাইজে চৰকাৰক আহ্বান জনায় ।
আৰু পঢ়কঃ জলকন্যা শিবাংগীৰ স্বৰ্ণ জয়
