জাগীৰোড,১২ জুলাই : নিজা সমষ্টি জাগীৰোডৰ ঝাৰগাঁও প্ৰাথমিক স্বাস্থ্য কেন্দ্ৰত শুকুৰবাৰে হঠাৎ উপস্থিত হ'ল মন্ত্ৰী পীযূষ হাজৰিকা। চিকিৎসালয়ত উপস্থিত হৈয়ে ছয়গৰাকী চিকিৎসকৰ এগৰাকীহে উপস্থিত থকাত খঙত অগ্নিশৰ্মা হৈ পৰিল মন্ত্ৰীগৰাকী ৷ কৰ্তব্যত গাফিলতি আৰু অনিয়মীয়া উপস্থিতিৰ বাবে চিকিৎসক দুলুমনি বৰা আৰু নিশামনি মালিক তাৎক্ষণিকভাৱে কাৰ্যকৰী হোৱাকৈ বৰ্খাস্ত কৰে মন্ত্ৰী হাজৰিকাই। আনহাতে,মন্ত্ৰীগৰাকীৰ অভিযান কালতে কেইবাগৰাকীও চিকিৎসকে সপ্তাহৰ ৪ দিনেই উপস্থিত নথকাৰ তথ্যও পোহৰলৈ আহিছে।
স্বাস্থ্য কেন্দ্ৰত উপস্থিত পীযূষ হাজৰিকা
এই অভিযানৰ পাছতে সকলো স্বাস্থ্যকৰ্মীক নিজৰ দায়িত্ব সূচাৰুৰূপে পালন কৰিবলৈ আহ্বান জনায় পীযূষ হাজৰিকাই ৷ অন্যথা যিকোনো পৰিস্থিতিৰ মুখামুখি হোৱাৰ বাবে সাজু থাকিবলৈও সকীয়াই দিয়ে তেওঁ ৷
