মৰিগাঁও, 5 মে’: সদ্যঘোষিত ৰাজ্যৰ বিধানসভা নিৰ্বাচনৰ ফলাফলত 81 নং লাহৰীঘাট বিধানসভা সমষ্টিৰ কংগ্ৰেছ প্ৰাৰ্থী ডাঃ আচিফ নাজাৰে 2,057 টা ভোটত পৰাজিত কৰে নিৰ্দলীয় প্ৰাৰ্থী ছিদ্দিক আহমেদক ৷ বিজয়ী হৈ প্ৰথমবাৰৰ বাবে সমষ্টিবাসীক ধন্যবাদ জ্ঞাপন কৰাৰ উদ্দেশ্যে মঙলবাৰে সমষ্টিবাসীক কাষত ঠিয় দিয়ে বিজয়ী প্ৰাৰ্থী ডাঃ আচিফ নাজাৰে ৷
মন কৰিবলগীয়া যে, জ্যেষ্ঠ কংগ্ৰেছী নেতা ডাঃ নজৰুল ইছলামৰ দীৰ্ঘকালীন শাসনৰ বাবে সদ্য সমাপ্ত বিধানসভা নিৰ্বাচনত প্ৰতিষ্ঠান বিৰোধী ঢৌ বাৰুকৈয়ে বলিছিল । কিন্তু তথাপিও অক্ষুন্ন থাকে কংগ্ৰেছ দুৰ্গৰূপে লাহৰীঘাটৰ গৌৰৱ । কংগ্ৰেছ প্ৰাৰ্থী ডাঃ আচিফ নাজাৰে 60,773 টা ভোট লাভ কৰাৰ বিপৰীতে নিৰ্দলীয় প্ৰাৰ্থী ছিদ্দিক আহমেদে লাভ কৰে 58,716 টা ভোট ৷
লগতে পঢ়ক : কৰিমগঞ্জত মুছলমান যুৱকে সৎকাৰ কৰিলে হিন্দু লোকক
