মৰিগাঁও, 10 অক্টোবৰঃ বিশ্বৰ বিভিন্ন প্ৰান্তৰ লগতে সমান্তৰাল ভাৱে আজি মৰিগাঁৱতো পালন কৰা হয় বিশ্ব মানসিক স্বাস্থ্য দিৱস । এই উপলক্ষে মৰিগাঁও জিলা স্বাস্থ্য বিভাগ তথা জিলা স্বাস্থ্য সমিতিৰ উদ্যোগত উপায়ুক্তৰ সভাগৃহত অনুষ্ঠিত অনুষ্ঠানত উপস্থিত থাকে জিলাখনৰ বিভিন্ন স্বেচ্ছাসেৱী সংগঠন, সাংবাদিক আৰু চৰকাৰী বিষয়া । য’ত প্ৰদৰ্শন কৰা হয় প্ৰাসংগিক তথ্য চিত্ৰ ।
- লগতে চাওকঃ পুনৰ চৰ্চাত লাভ জেহাদ !
মৰিগাঁও জিলা স্বাস্থ্য সমিতিয়ে বিভিন্ন সময়ত জিলাখনৰ পৰা মানসিক ৰোগ নিৰাময়ৰ কাৰণে বিভিন্ন ধৰণৰ সজাগতা মূলক কাৰ্যসূচী হাতত লোৱা বুলি উল্লেখ কৰি কয় যে, মানসিক ৰোগীসকলৰ সৈতে 40 ছেকেণ্ড কথা পাতক আৰু মানসিক ৰোগৰ পৰা মুক্ত কৰক । লগতে কয় আপোনাৰ 40 ছেকেণ্ডেই মানসিক চাঁপত ভুগি থকা লোকসকলৰ বাবে হৈ পৰে সঞ্জীৱনী শক্তি । সেয়েহে এইবাৰৰ বিশ্ব মানসিক স্বাস্থ্য দিৱসৰ শ্ল’গান হিচাপে লোৱা হৈছে এই বিষয়ক ৷
মন কৰিবলগীয়া যে এনে ধৰণৰ সমাজৰ সকলো শ্ৰেণীৰ লোকৰ অংশগ্ৰহণেৰে সমাজৰ পৰা মানসিক ৰোগ নিৰাময় কৰাত যথেষ্ট সহায়ক হ’ব বুলি মন্তব্য কৰে জিলা স্বাস্থ্য সমিতিৰ সমাজ মনস্তত্ববিদ নিমিষা বৰাই ।
