মৰিগাঁও,3 ডিচেম্বৰ : মৰিগাঁও জিলাৰ মায়ং আৰক্ষী থানাৰ অন্তৰ্গত 1 নং আশীগড় গাঁৱত বৃহস্পতিবাৰে দুপৰীয়া প্ৰায় 12 বজাত সংঘটিত হয় এক ভয়াৱহ অগ্নিকাণ্ড ৷ বৈদ্যুতিক শ্বৰ্ট-চাৰ্কিটৰ ফলত সংঘটিত হোৱা এই অগ্নিকাণ্ডত 6 টাকৈ বাসগৃহ সম্পূৰ্ণৰূপে ভস্মীভূত হোৱাৰ লগতে জুইত জাহ যায় কেইবালাখ টকাৰ সা-সম্পত্তি আৰু নথি-পত্ৰ ৷
স্থানীয় ৰাইজে জুই নিৰ্বাপন কৰিবলৈ চেষ্টা কৰে যদিও বতাহৰ ফলত জুই বিয়পি পৰে । অৱশেষত ঘটনাস্থলীত অগ্নি নিৰ্বাপক বাহিনী উপস্থিত হৈ জুই নুমুৱাবলৈ সক্ষম হয় ৷
লগতে পঢ়ক : ৰাইজৰ দলৰে অসম জাতীয় পৰিষদৰ মিত্ৰতাৰ সম্ভাৱনা !
