মৰিগাঁও,24ছেপ্তেম্বৰঃ মৰিগাঁও জিলাৰ বৰছলাৰ জটিল ৰোগত আক্ৰান্ত বিমান ডেকা নামৰ এজন যুৱকক সহায়ৰ বাবে আগবাঢ়ি আহিল দক্ষিণ-পূৱ এছিয়াৰ স্বাধীন ৰাষ্ট্ৰ লাউচৰ এগৰাকী প্ৰতিস্থিত ব্যৱসায়ী তথা প্ৰবাসী অসমীয়া হাবিব মহম্মদ চৌধুৰী ৷ জে এফ ফাউণ্ডেচনৰ দ্বাৰা বিমান ডেকাৰ সম্পূৰ্ণ চিকিৎসাৰ খৰছ বহন কৰাৰ দায়িত্ব ঘোষণা কৰিছে হাবিব মহম্মদ চৌধুৰীয়ে ৷
উল্লেখযোগ্য যে, 2019 চনতে যুৱকজন প্ৰথমে কেঁচুমূৰীয়া ৰোগত আক্ৰান্ত হৈছিল ৷ তাৰ পিছতে কেঞ্চাৰ ৰোগত আক্ৰান্ত হয় যুৱকজন ৷ কিন্তু ৰাজ্যৰ লগতে বহিঃৰাজ্যতো চিকিৎসা গ্ৰহণ কৰা যুৱকজন সুস্থ হৈ নুঠিল ৷ চিকিৎসাৰ নামত ঘৰৰ সকলো সা-সম্পত্তি বিক্ৰী কৰে যুৱকজনৰ পৰিয়ালে ৷
যাৰ বাবে গুৱাহাটীৰ ডঃ বি বৰুৱা কৰ্কট প্ৰতিষ্ঠানত চিকিৎসা গ্ৰহণ কৰি থকা বিমান ডেকাই সামাজিক মাধ্যম ফেচবুকৰ জৰিয়তে নিজৰ পৰিয়ালটোক সহায়ৰ বাবে এটা প'ষ্ট কৰিছিল ৷ ইয়াৰ পিছতে ৰাজ্যজুৰি যুৱকজনৰ ফেচবুক প'ষ্টটো চৰ্চিত হৈ পৰাত সহায়ৰ বাবে আগবাঢ়ি আহে মানৱ দৰদী হাবিব মহম্মদ চৌধুৰী ৷ লাউচৰ এইগৰাকী প্ৰতিস্থিত ব্যৱসায়ী তথা অসম গৌৰৱ হাবিব মহম্মদ চৌধুৰীৰ মহানুভৱতাক এতিয়া পৰিয়ালৰ লগতে অঞ্চলবাসী ৰাইজে কৃতজ্ঞতা জ্ঞাপন কৰাৰ লগতে বিমান ডেকাৰ আশু আৰোগ্য কামনা কৰিছে ৷
লগতে পঢ়কঃবিধ্বংসী ৰূপ ধাৰণ আই নদীৰ খহনীয়াৰ
