মৰিগাঁও, 6 ছেপ্তেম্বৰঃ মৰিগাঁৱত জব্দ হৈছে বৃহৎ পৰিমাণৰ চোৰাং শীতল পানীয় ৷ বৃহস্পতিবাৰে নিশা মৰিগাঁৱত গুৱাহাটী আৰু মৰিগাঁও আৰক্ষীৰ যুটীয়া অভিযানত জব্দ হয় কেইলাখটকাৰ চোৰাং শীতল পানীয় ৷ প্ৰাপ্ত তথ্য মতে, গোপন সূত্ৰৰ খৱৰৰ ভিত্তিত মহানগৰ আৰক্ষীয়ে মৰিগাঁও আৰক্ষীৰ সহযোগত বৃহস্পতিবাৰে নিশা এক অভিযান চলাই মৰিগাঁৱৰ বৰিগাঁৱৰ ইছাহক আলী নামৰ লোকজনৰ ঘৰৰ পৰা জব্দ কৰে বৃহৎ পৰিমাণৰ শীতল পানীয়খিনি ৷ আৰক্ষীয়ে প্ৰকাশ কৰা মতে সমগ্ৰ পানীয়খিনি আছিল গৌৰীপুৰৰ কোকাকোলা গুদামৰ ৷ যোৱা এক ছেপ্তেম্বৰত হোজাই অভিমুখে নিয়া পানীয় কেনেকৈ মৰিগাঁৱৰ ইচাহকৰ ঘৰ পালে তাকে লৈ এতিয়া আৰক্ষীয়ে আৰম্ভ কৰিছে তদন্ত ৷
মৰিগাঁৱত জব্দ চোৰাং শীতল পানীয়
