ধিং,15 জানুৱাৰীঃ ধিং টাউনৰ মধ্য গলিত বৃহস্পতিবাৰে নিশা সংঘটিত হয় এক বিধ্বংসী অগ্নিকাণ্ডৰ ঘটনা । নিমিষতে জুইত জাহ গ'ল কাপোৰ দোকান, গেলামাল, কচমেটিক সহ সাতখনকৈ দোকান । উল্লেখযোগ্য যে, অগ্নিকাণ্ডৰ ফলত প্রায় ৫০ লক্ষাধিক টকাৰ সা-সম্পত্তিৰ জাহ যোৱাৰ কথা উল্লেখ কৰিলে দোকানৰ স্বতাধিকাৰীয়ে ৷
অগ্নিকাণ্ড সংঘটিত হোৱাৰ খবৰ পোৱাৰ পিছতে ঘটনাস্থলীত অগ্নিনিৰ্বাপক বাহিনীৰ লোক উপস্থিত হৈ স্থানীয় ৰাইজৰ সহযোগত জুই নিৰ্বাপন কৰিবলৈ সক্ষম হয় ৷ অৱশ্যে অগ্নিকাণ্ডৰ মূল উৎস বৰ্তমানলৈকে জানিব পৰা হোৱা নাই ৷
লগতে পঢ়কঃ ডিব্ৰুগড়ৰ ৭৯ গৰাকী সাংবাদিকক মুখ্যমন্ত্ৰীৰ বিশেষ উপহাৰ
