কংগ্ৰেছে মুছলমান মানুহক মোনাত ভৰাই থয়ঃ আঙুৰলতা ডেকা

বিহু নাচেৰে লাহৰীঘাট সমষ্টিৰ ভোটাৰক আকৰ্ষণ কৰিবলৈ চেষ্টা কৰে বিধায়িকা গৰাকীয়ে ৷ লগতে কংগ্ৰেছে ইমান দিনে মুছলমান সম্প্ৰদায়ৰ মানুহক ভোট বেংক হিচাপে ব্যৱহাৰ কৰি আহিছে বুলিও মন্তব্য কৰে ৷

মৰিগাঁও, 15 এপ্ৰিলঃ লাহৰীঘাটত বিধায়িকা আঙুৰলতাৰ ৰোড শ্ব'৷ পহিলা বহাগৰ দিনাই বিধায়িকা আঙুৰলতাই নগাঁও সংসদীয় সমষ্টিৰ লাহৰীঘাটত ছয়খনকৈ নিৰ্বাচনী ৰোড শ্ব'ত অংশ গ্ৰহণ কৰে ৷ বিহু নাচেৰে লাহৰীঘাট সমষ্টিৰ ভোটাৰক আকৰ্ষণ কৰিবলৈ চেষ্টা কৰে বিধায়িকা গৰাকীয়ে ৷ লগতে কংগ্ৰেছে ইমান দিনে মুছলমান সম্প্ৰদায়ৰ মানুহক ভোট বেংক হিচাপে ব্যৱহাৰ কৰি আহিছে বুলিও মন্তব্য কৰে ৷ তাৰোপৰি বিধায়িকা গৰাকীয়ে কয়, কংগ্ৰেছ দলে এটা মোনাত ভিতৰত মুছলমানক ভৰাই থয় আৰু তাৰ পৰা কোনোবা ওলালেই এন আৰ চি আৰু ' ডি ' ভোটাৰে লৈ যাব পাৰে বুলি ভয় দেখুৱাই ৰাজনীতি কৰি আহিছে বুলিও কঠোৰ সমালোচনা কৰে আঙুৰলতাই ।