মৰিগাঁও, ২৪ ডিচেম্বৰ: ৰাজ্যৰ আন আন ৰাজনৈতিক দলৰ সমান্তৰালকৈ অসম জাতীয় পৰিষদেও জিলাই জিলাই দলৰ সাংগঠনিক ভেঁটি শক্তিশালী কৰাৰ বাবে প্ৰস্তুতি চলাইছে । মৰিগাঁৱতো আঞ্চলিক দলটোৰ নিৰ্বাচনী তৎপৰতা বৃদ্ধি হোৱা পৰিলক্ষিত হৈছে । সমষ্টি সমিতি গঠনৰ উদ্দেশ্য মৰিগাঁৱত এখন সভাৰ অনুষ্ঠিত কৰা হয় । লগতে যোগদান সভাৰো আয়োজন কৰা হয় ।
জিলাখনৰ বহুকেইখন আঞ্চলিক সমিতিৰ সভাপতি আৰু সম্পাদকসকলে আজি আনুষ্ঠানিকভাৱে অসম জাতীয় পৰিষদ দলত যোগদান কৰে । মৰিগাঁও জিলা আহ্বায়ক সমতিৰি উদ্যোগত পবিতৰা হাট প্ৰেক্ষাগৃহত অনুষ্ঠিত হোৱা এই কাৰ্যসূচীত অংশ লৈ বিশিষ্ট চলচিত্ৰ প্ৰযোজক পৰিচালক তথা জাতীয়তাবাদী নেতা বাণীকান্ত দাসে শাসকীয় বিজেপি দলৰ নীতিক কঠোৰ ভাষাৰে সমালোচনা কৰে ।
তেওঁ লগতে কয় যে, আগন্তুক দিনত এ জে পিয়ে ৰাজ্যৰ প্ৰতিটো পৰিয়ালক ৮৫০ টকাৰ পৰিৱৰ্তে ৮৫০০ টকা উপাৰ্জনৰ পথ মুকলি কৰাৰ কথা চিন্তা কৰিছে । আনহাতে, সদৌ অসম ছাত্ৰ সন্থাৰ ৰাজনৈতিক ৰূপ হিচাপে আত্মপ্ৰকাশ কৰা দলটোৱে স্বাভাৱিকতেই অসমৰ ৰাইজৰ মাজত সুকীয়া স্থান লাভ কৰিছে ।
এতিয়া জাতীয়তাবাদী চিন্তাৰে সাধাৰণ ৰাইজক উদ্বুদ্ধ কৰি আঞ্চলিক দলটোৱে বিধানসভা নিৰ্বাচনত বিজেপিক গাদীচ্যুত কৰাৰ পৰিকল্পনা কৰিছে ।
লগতে পঢ়ক:অনাথ শিশুৰ মাজত খাদ্য বিতৰণ অসম ৰাইফলছৰ
