মাজুলী , 30 মে': মঙলবাৰে মাজুলী সুৰক্ষা আঁচনিৰ জিঅ' বেগ চুৰি কৰিবলৈ গৈ যুৱ ছাত্ৰ পৰিষদ আৰু ৰাইজৰ ৰোষত পৰে দুজন লোক ৷ AS-03-BC-0260 নন্বৰৰ ডি আই গাড়ীসহ দুজন লোকক আটক কৰে সংগঠনটোৰ কৰ্মী আৰু ৰাইজে ৷ এই ঘটনাকলৈ নিশা মাজুলীৰ শালমৰাত সৃষ্টি হয় উত্তপ্ত পৰিস্থিতি ৷
ৰাইজৰ ৰোষত পৰিল দুই জিঅ' বেগ চোৰ
স্থানীয় ৰাইজ আৰু দল-সংগঠনে ৰাজ শইকীয়া নামৰ এগৰাকী ঠিকাদাৰৰ মহৰী আৰু ডাইভাৰসহ দুজন লোকক জিঅ' বেগ চুৰি সন্দৰ্ভত আটক কৰি মাজুলী আৰক্ষীক চমজাই দিয়ে ৷ ইপিনে ধৃত লোক দুজনে মাজুলী শালমৰা গাঁৱৰ শান্তি হাজৰিকা ,কমলাবাৰীৰ বুবুল বৰা নামৰ এজন ঠিকাদাৰকে ধৰি কেইবাজনো ব্যক্তি চোৰাং জিঅ' বেগ চুৰিৰ লগত জড়িত থকাৰ কথা স্বীকাৰ কৰে ৷ এই সন্দৰ্ভত নিশাই মাজুলীৰ বনগাঁও থানাই শালমৰা গাঁৱৰ কেইবাটাও পৰিয়ালত তালাচী চলায় ৷
