কইনাও সুখী বিমানো সুখী: সকলো হৈ গ'ল ভালে ভালে

বিয়াৰ দিনাই ক‌‌ইনা পলোৱা দুখ পাহৰি গ'ল,মলুৱাৰ পৰা অনা কইনা এতিয়া আপোন হ'ল বিমানৰ ৷ অৱশেষত এই ফাগুনতে গাত মাহ হালধি সানি বিয়াত বহিল বিমান ৷

মাজুলী, 18 ফেব্ৰুৱাৰীঃ কেইদিনমান আগতে সংবাদ মাধ্যমৰ শিৰোনাম দখল কৰিছিল বিমানৰ বিয়াই ৷ কিন্তু জোৰোণ দিবলৈ কইনা ঘৰত ঔ কিল খাই হতাশাৰে ঘূৰি আহিছিল দৰাঘৰীয়া লোক ৷ কিয়নো বিমানৰ কইনা বিয়াৰ আগদিনা নিশাই পলাই গৈছিল আন এজন লোকলৈ ৷ তাৰ পিচতেই ব্যাপক চৰ্চা লাভ কৰিছিল মাজুলী খোনাচুকৰ এইগৰাকী বিমান বৰাই ৷

পিচে বেছিদিন বিয়ালৈ বাট চাবলগীয়া নহ'ল বিমানে ৷ অৱশেষত এই ফাগুনতে বিয়াখন পাতিলে বিমানে ৷ কোনো হানি বিঘিনি নোহোৱাকৈ এইবাৰ সুকলমে পাৰ হ'ল বিমানৰ বিয়াখন ৷ এইবাৰ কইনা মাজুলীৰ মলুৱাৰ এগৰাকী যুৱতী ৷ বৃহস্পতিবাৰে গাত মাহ হালধি সানি বিয়া পাতিলে বিমানে ৷ এইবাৰ কইনাও সুখী,বিমানো সুখী,সুখী বিয়া খাবলৈ অহা আত্মীয় স্বজন ৷ বিয়াৰ দিনাই ক‌‌ইনা পলোৱা দুখ পাহৰি গ'ল,মলুৱাৰ পৰা অনা কইনা এতিয়া আপোন হ'ল বিমানৰ ৷

লগতে পঢ়কঃ মাজুলীৰ বিমানৰ বিয়াখন বাতিল হ'ল