লখিমপুৰ, 5 মে : Covid 19 ক লৈ লখিমপুৰ জিলাৰ অসম অৰুণাচল সীমান্তত পূৰ্বতকৈও অধিক সজাগ হৈছে অৰুণাচল চৰকাৰ। অৰুণাচলত প্ৰৱেশ কৰা প্ৰতিজন লোকৰ স্বাস্থ্য পৰীক্ষা কৰাৰ লগতে এইবাৰ প্ৰতিখন গাড়ীত ছেনিটাইজৰ ছটিওৱাৰ ব্যৱস্থা কৰিছে ৰাজ্য চৰকাৰে ।
ৰাজ্যখনৰ প্ৰৱেশ পথ বান্দৰদেৱাত ছেনিটাইজ কৰা হৈছে বহিঃৰাজ্যৰ পৰা প্ৰৱেশ কৰা মালবাহী ট্ৰাকৰ উপৰিও প্ৰতিখন যাত্ৰীবাহী ব্যক্তিগত বাহন ।
বহিঃ ৰাজ্যৰ পৰা অৰুণাচলত প্ৰৱেশ কৰা গাড়ীসমূহৰ দ্বাৰা যাতে ৰাজ্যখনত কৰ'ণা ভাইৰাছ সংক্ৰমণ নহয় তাৰ বাবে বান্দৰদেৱাত ২৪ ঘণ্টাই সজাগ হৈ আছে অৰুণাচল প্ৰশাসনৰ লোক।
