উদুলি- মুদুলি মাধৱদেৱ সমন্বয় ক্ষেত্ৰ

ভক্তিৰসত বুৰ যাব বাৰ বৈষ্ণৱৰ জন্মভূমি,পূৰ্ণগতিত প্ৰস্তুতি চলিছে শ্ৰীমন্ত শংকৰদেৱ সংঘৰ 26 সংখ্যক কেন্দ্ৰীয় শিশু ,যুৱ আৰু আইমাতৃ সমাৰোহৰ ৷

বিহপুৰীয়া,29 ছেপ্টেম্বৰঃ বৈকুণ্ঠপুৰীলৈ পৰিণত হ'ব মহাপুৰুষ মাধৱদেৱ গুৰুজনাৰ লগতে ১২ বৈষ্ণৱৰ জন্মস্থান নাৰায়ণপুৰ ৷ দেওবাৰে মাধৱদেৱ সমন্বয় ক্ষেত্ৰত স্থাপন কৰা হয় শ্ৰীমন্ত শংকৰদেৱ সংঘৰ 26 সংখ্যক কেন্দ্ৰীয় শিশু ,যুৱ আৰু আইমাতৃ সমাৰোহৰ লাইখুঁটা ৷ অহা ১,২ আৰু ৩ নৱেম্বৰত তিনিদিনীয়া বৰ্ণাঢ্য কাৰ্যসূচীৰে অনুষ্ঠিত হ'ব লগা শ্ৰীমন্ত শংকৰদেৱ সংঘৰ ২৬ তম কেন্দ্ৰীয় শিশু,যুৱ আৰু আইমাতৃ সমাৰোহখনকলৈ এতিয়া চৌদিশে উছৱমুখৰ পৰিৱেশ ৷ৰাজ্যখনৰ বিভিন্ন প্ৰান্তৰ পৰা অধিৱেশনখনলৈ আহিবলগীয়া ভকত-বৈষ্ণৱ সকলক আদৰিবলৈ সাজু হৈ উঠিছে আদৰণি সমিতি ৷ পুৰুষ-মহিলা সকলো ওলাই আহিছে লাইখুঁটা স্থাপনস্থলীলৈ । এক কথাত ক'বলৈ গ'লে ভক্তিৰসত বুৰ গৈছে হৈ সমগ্ৰ পৰিৱেশ ৷