লখিমপুৰ, 16 জুন : পেটৰ তাড়নাত অৰুণাচলত কাম কৰি থকা অসমৰ শ্ৰমিক, কৰ্মচাৰীক সামান্য কথাতে নৃশংসভাৱে হত্যা কৰাটো এতিয়া নতুন কথা নহয় । পুনৰ চুবুৰীয়া ৰাজ্যখনত এজন অসমীয়াক হত্যা ।
বুধবাৰে নিশা অতি নৃশংসভাৱে হত্যা কৰা হয় লখিমপুৰৰ কেহুতলীৰ ছালাম উদ্দিনক ৷ নৈশ চকীদাৰ হিচাপে নাহৰ লগুনৰ এটি ব্যক্তিগত খণ্ডৰ প্ৰতিষ্ঠানত কৰ্মৰত আছিল ছালাম উদ্দিন ।
মঙলবাৰে নিশা ছালাম উদ্দিনক অৰুণাচলী দুৰ্বৃত্তই হানি-খুচি হত্যা কৰা বুলি জানিব পৰা গৈছে । এই ঘটনাই এতিয়া লখিমপুৰৰ অসম-অৰুনাচল সীমান্তত চেপা উত্তেজনাৰ সৃষ্টি কৰিছে । মৰণোত্তৰ পৰীক্ষাৰ পিছত বিয়লি লোকজনৰ মৃতদেহ বাসগৃহলৈ অনাৰ পিছত এক শোকাকুল পৰিৱেশে বিৰাজ কৰিছে ।
হত্যাকাণ্ড সংঘটিত কৰা অৰুণাচলী দুৰ্বৃত্তৰ কঠোৰ শাস্তিৰ দাবী কৰিছে ভুক্তভোগী পৰিয়ালৰ লগতে বিভিন্ন দল-সংগঠনে ।
লগতে পঢ়ক : দুলীয়াজানত বুজন পৰিমাণৰ ভাঙসহ দুজনক আটক
