লখিমপুৰ, ২৯ মাৰ্চ : চিত্ৰশিল্পী নীলিম মহন্তক অতি শীঘ্ৰে মুক্তিৰ দাবীত অসম অৰুণাচল প্ৰদেশ সীমান্তৰ বান্দৰদেৱাত তীব্ৰ প্ৰতিবাদী কাৰ্যসূচী । অৰুণাচলৰ মুখ্যমন্ত্ৰী পেমা খাণ্ডুৰ প্ৰতিমূৰ্তি দাহ কৰি প্ৰতিবাদ সাব্যস্ত কৰে একাধিক সংগঠনে । কৃষক মুক্তি সংগ্ৰাম সমিতি আৰু ছাত্ৰ মুক্তি সংগ্ৰাম সমিতিৰ লখিমপুৰ জিলা সমিতি আৰু কেন্দ্ৰীয় নেতৃত্বৰ সহযোগত প্ৰতিমূৰ্তি দাহ কৰি তীব্ৰ প্ৰতিবাদ সাব্যস্ত কৰে ।
নীলিম মহন্তক শীঘ্ৰে বিনা চৰ্তে মুক্তিৰ দাবি কৃষক মুক্তি সংগ্ৰাম সমিতিৰ (KMSS protest in Lakhimpur) । অন্যথা অৰুণাচলৰ সকলো প্ৰৱেশদ্বাৰ বন্ধ কৰি দিয়াৰ হুংকাৰ প্ৰদান কৰে । উল্লেখ্য যোৱা দুদিন পূৰ্বে লখিমপুৰ আৰক্ষীৰ সহযোগত অৰুণাচল আৰক্ষীয়ে গ্ৰেপ্তাৰ কৰিছিল নীলিম মহন্তক । অৰুণাচল প্ৰদেশৰ সচিবালয়ৰ দেৱালত NO MORE DAMS বুলি চিত্ৰাংকন কৰাৰ বাবে গ্ৰেপ্তাৰ কৰিচিল নীলিমক (Graffiti artist Neelim Mahanta arrested)।
অৰুণাচলৰ ঐতিহ্যৰ গৰিমাত আঘাত হনাৰ বাবেই গ্ৰেপ্তাৰ কৰিছিল নীলিম মহন্তক । ইতিমধ্যে দুদিনৰ আৰক্ষীৰ জিম্মাত ৰখা হৈছে শিল্পী গৰাকীক । তেওঁৰ হৈ বিনামুলীয়াকৈ আইনী সাহায্য আগবঢ়োৱাৰ সিদ্ধান্ত লৈছে সদৌ অসম উকীল সন্থাই । সোমবাৰে প্ৰতিবাদ কাৰী সংগঠন কেইটাই অতি শীঘ্ৰে নীলিম মহন্তক মুকলি কৰি নিদিলে অৰুণাচলৰ প্ৰৱেশ দুৱাৰ সমূহ বন্ধ কৰি দিয়াৰ লগতে তীব্ৰ আন্দোলন গঢ়ি তোলাৰ হুংকাৰ দিয়ে ।
লগতে পঢ়ক: বালিমাহী কবি ধনেশ্বৰ ইংতি আৰু শকুন্তলা চৌধুৰীক পদ্মশ্ৰী সন্মান প্ৰদান
