লখিমপুৰ, 23 এপ্ৰিল : লক ডাউনৰ ফলত এতিয়া সমস্যাত কেৱল মানুহেই নহয়,গভীৰ খাদ্য সংকটত ভুগিছে গৰাকীবিহীন পশুধনো ৷ বিশেষকৈ চহৰাঞ্চলত থকা গৰাকী বিহীন গৰু-কুকুৰ আদিয়ে মানুহে পেলোৱা খাদ্যৰ অৱশিষ্ট বা পাচলিৰ বাকলি আদি খাই জীয়াই আছিল ৷ কিন্তু লক ডাউনৰ ফলত সকলো স্তব্ধ হৈ পৰাত এনে পশুধনৰ কাৰণে নোহোৱা হ'ল খাদ্য় ৷ তেনেক্ষেত্ৰত লখিমপুৰ নগৰৰ মাজ মজিয়াত ভোকাটোৰ গৰাকী বিহীন গৰুক এসপ্তাহে খাদ্য যোগান ধৰি আহিছে লখিমপুৰ জিলাৰ জনসেৱা নামৰ বেচকাৰী সংস্থাটোৱে।
লক ডাউনঃ গৰাকী বিহীন পশুধনক খাদ্য় বিতৰণ
লখিমপুৰ জিলাৰ বিভিন্ন প্ৰান্তত খাদ্য বিচাৰি ঘূৰি ফুৰা পশুধনক খাদ্য যোগান ধৰিছে সংস্থাটোৰ সদস্যই । খাদ্য সংকটত পৰা পশুধনক খাদ্য যোগান ধৰা সংস্থাটোৰ কাৰ্যক প্ৰশংসা কৰিছে সচেতন মহলে ।
লগতে পঢ়ক : কোভিড-19 : ধুবুৰীত আক্ৰান্তৰ সংখ্যা 5 জনলৈ বৃদ্ধি
