বিহপুৰীয়া, 9 মে': ৰাজ্যৰ নৱ নিৰ্বাচিত মুখ্যমন্ত্ৰী ড৹ হিমন্ত বিশ্ব শৰ্মাক আদৰণি জনাইছে বিজেপিৰ ৰাজ্যিক কিষাণ মৰ্চাৰ সভাপতি প্ৰফুল্ল বৰাই ৷ নাৰায়ণপুৰত দলীয় কৰ্মীৰ সৈতে আনন্দ উল্লাস কৰি সংবাদ মাধ্যমৰ আগত নৱ-নিৰ্বাচিত মুখ্যমন্ত্ৰীগৰাকীৰ লগতে নতুনকৈ গঠন হ'ব লগা মন্ত্ৰীসভাখনলৈ শুভেচ্ছা জ্ঞাপন কৰে কিষাণ মৰ্চাৰ ৰাজ্যিক সভাপতিগৰাকীয়ে ৷
এগৰাকী মনে বিচৰা মুখ্যমন্ত্ৰী লাভ কৰি খুবেই আনন্দিত বুলি উল্লেখ কৰি ৰাজ্যিক কিষাণ মৰ্চাৰ সভাপতি গৰাকীয়ে সকলৰে সহযোগত মুখ্যমন্ত্ৰী ড৹ হিমন্ত বিশ্ব শৰ্মাৰ নেতৃত্বত নতুন চৰকাৰখনে উন্নয়নৰ পূৰ্বৰ গতিধাৰা অব্যাহত ৰাখিবলৈ সক্ষম হ'ব বুলিও সজোৰে দাবী কৰে ৷ আনহাতে নাৰায়ণপুৰৰ ড৹ হিমন্ত বিশ্ব শৰ্মাৰ অনুৰাগীসকলেও পচন্দৰ নেতাজনক মুখ্যমন্ত্ৰী হিচাপে লাভ কৰি আনন্দত মতলীয়া হোৱা দেখা যায় ৷ নাৰায়ণপুৰস্থিত হিমন্ত বিশ্ব শৰ্মা ফল'ৱাৰ্চ কাৰ্যালয়ত ইজনে সিজনক মিঠাই খুৱাই আনন্দ-উল্লাস কৰা দেখা যায় ৷
লগতে পঢ়ক : বুঢ়ী দিহিঙৰ বুকুত জাহ গ'ল মৰাণৰ বহু কেইখন গাঁও
