নতুন দিল্লী : ফ্ৰান্স ভ্ৰমণৰ সময়ত প্ৰধানমন্ত্ৰী নৰেন্দ্ৰ মোদীয়ে ৰাষ্ট্ৰপতি ইমানুৱেল মেক্ৰনক এক বিশেষ উপহাৰ দিয়া দেখা যায় । যি ডক্ৰা শিল্পকৰ্মৰ অন্যতম নিদৰ্শন আছিল । ৰাষ্ট্ৰপতি ইমানুৱেল মেক্ৰনক শিলত খোদিত সংগীতজ্ঞৰ প্ৰতিমূৰ্তি প্ৰদান কৰে । আনহাতে ফ্ৰান্সৰ ফাৰ্ষ্ট লেডীক ফুল আৰু ময়ূৰৰ আৰ্হিৰে এক সুন্দৰ ৰূপৰ টেবুল আইনা উপহাৰ দিয়ে বুলি বিষয়াসকলে জনাইছে ।
- কি আছিল প্ৰধানমন্ত্ৰীৰ উপহাৰ ?
উল্লেখ্য যে ডক্ৰা কলা হৈছে ছত্তীশগড়ৰ এক প্ৰসিদ্ধ শিল্পকলা, যি প্ৰাচীন তথা পাহৰণিৰ গৰ্ভত থকা মম কৌশল ব্যৱহাৰ কৰি জটিল কাৰুশিল্প প্ৰদৰ্শন কৰে । অঞ্চলটোৰ সমৃদ্ধ জনজাতীয় ঐতিহ্যৰ মূলত থকা এই শিল্পকৰ্মৰ জৰিয়তে পৰম্পৰাগত সংগীতজ্ঞসকলক বিভিন্ন ভংগীমাত দেখুওৱা হয় ।
ফ্ৰান্সৰ ফাৰ্ষ্ট লেডীক দিয়া উপহাৰটো ৰাজস্থানৰ সমৃদ্ধ পৰম্পৰাৰ সৈতে পৰিচিত । যি নিপুণ কাৰুশিল্প আৰু সাংস্কৃতিক ঐতিহ্যৰ প্ৰতীক । বিষয়াসকলে কয় যে ইয়াৰ ৰূপৰ ফ্ৰেমত ফুল আৰু ময়ূৰৰ আৰ্হি আছে, যি সৌন্দৰ্য, প্ৰকৃতি আৰু অনুগ্ৰহৰ প্ৰতীক । তেওঁলোকে লগতে কয় যে অতি সতৰ্কতাৰে খোদিত আৰু এক উজ্জ্বলভাৱে পলিছ কৰা আইনাখনে ৰাজস্থানৰ শিল্পকলাৰ সমৃদ্ধ পৰম্পৰাক প্ৰতিফলিত কৰে ।
PM Narendra Modi gifted Dokra Artwork - musicians with studded stone work, to French President Emmanuel Macron.
— ANI (@ANI) February 12, 2025
Dokra art, a revered metal-casting tradition from Chhattisgarh, showcases intricate craftsmanship using the ancient lost-wax technique. Rooted in the region’s rich… pic.twitter.com/1ZmMHVcbIW
দুদিনীয়াকৈ ইউৰোপীয় দেশ ফ্ৰান্স ভ্ৰমণৰ সময়ত মোদীয়ে ফ্ৰান্সত থকা আমেৰিকাৰ উপ-ৰাষ্ট্ৰপতি জে ডি ভেন্সৰ দুই পুত্ৰ আৰু কন্যাৰ বাবে উপহাৰ লৈ গৈছিল । বিষয়াসকলে কয় যে প্ৰধানমন্ত্ৰীয়ে বিবেক ভেন্সক এটা কাঠৰ ৰে’লৱে পুতলা আৰু ইৱান ব্লেইন ভেন্সক ভাৰতীয় লোক চিত্ৰৰ ওপৰত আধাৰিত এটা জিগছ পাজল উপহাৰ হিচাপে দিয়ে ।
प्रधानमंत्री नरेंद्र मोदी ने ट्वीट किया, " अमेरिकी उपराष्ट्रपति जेडी वेंस और उनके परिवार के साथ एक अद्भुत बैठक हुई। हमने विभिन्न विषयों पर बहुत अच्छी बातचीत की। उनके बेटे विवेक के जन्मदिन के जश्न में शामिल होकर बहुत प्रसन्न हूँ!" pic.twitter.com/xj1oWRaacZ
— ANI_HindiNews (@AHindinews) February 11, 2025
কাঠৰ ৰে'লৱে পুতলাটো হৈছে এক কালজয়ী ক্লাছিক । বিষয়াসকলে কয় যে প্ৰকৃতিৰ পৰা উপলব্ধ কাঠৰ পৰা তৈয়াৰ কৰা আৰু পৰিৱেশ-অনুকূল পাচলিৰ ৰঙেৰে অংকিত । যি শিশু সুৰক্ষা আৰু পৰিৱেশ চেতনা নিশ্চিত কৰে । জিগছ পাজলে পশ্চিমবংগৰ কালিঘাট পাট পেইণ্টিং, সন্তল জনজাতিৰ দ্বাৰা সৃষ্টি কৰা সন্তল চিত্ৰ আৰু বিহাৰৰ মধুবনী চিত্ৰকে ধৰি বিভিন্ন লোক চিত্ৰশৈলী প্ৰদৰ্শন কৰি ভাৰতৰ সমৃদ্ধ শিল্পকলা প্ৰদৰ্শন কৰে ।
বিষয়াসকলে কয় যে প্ৰতিটো উপহাৰতে ভাৰতৰ বিবিধ সাংস্কৃতিক পৰম্পৰাৰ এক অনন্য আভাস প্ৰদান কৰে । মোদীয়ে আমেৰিকাৰ উপ-ৰাষ্ট্ৰপতিৰ কন্যা মিৰাবেল ৰোজ ভেন্সক এটা কাঠৰ বৰ্ণমালা উপহাৰ দিয়ে ।
