লখিমপুৰ, 5 অক্টোবৰ : দুৰ্নীতি নিবাৰক শাখাৰ জালত লখিমপুৰ জিলাৰ বন বিভাগৰ ডি এফ অ' আৰু এ চি এফ বিষয়া । ঘোচ লৈ থকা অৱস্থাত হাতে লোটে গ্ৰেপ্তাৰ কৰা হয় ডি এফ অ' যাদৱ চন্দ্ৰ নাথ আৰু এ চি এফ জেচিম আহমেদক ।
লখিমপুৰত ধন উৎকোচ লৈ গ্ৰেপ্তাৰ বন বিষয়া
তথ্য অনুসৰি, বৈধভাৱে চালান থকা এখন কাঠৰ টেক্টৰ মোকলাই দিয়াৰ নামত দুই বিষয়াই দাবী কৰিছিল 1 লাখ 85 হেজাৰ টকা । আৰু সোমবাৰে 25 হেজাৰ টকা DFO আৰু 25 হেজাৰ ACF য়ে আগধন হিচাপে লোৱাৰ সময়ত দুয়ো গৰাকী বিষয়াক হাতে-লোটে ধৰে দুৰ্নীতি নিবাৰক শাখাই ।
ইতিমধ্যে, বিষয়া দুগৰাকীৰ পৰা উৎকোচ লোৱা 50 হেজাৰ টকা জব্দ কৰিছে । সম্প্ৰতি দুয়োকে কাৰ্যালয়তে জেৰা চলাইছে দুৰ্নীতি নিবাৰক শাখাই ।
উল্লেখ্য যে, দুয়োজন বন বিষয়াৰ বিৰুদ্ধে দীৰ্ঘদিনৰ পৰা বনজ সম্পদ লুণ্ঠনৰ অভিযোগ উত্থাপন কৰি আহিছিল লখিমপুৰৰ বিভিন্ন দল সংগঠনে ।
লগতে পঢ়ক : সুদীৰ্ঘ বছৰৰ অন্তত বাহন প্ৰৱেশ কৰা এটা এলেকা
