গোসাইগাঁও, 19 জুনঃ ৰাজ্যত অব্যাহত আছে ব্ৰইলাৰ ছিণ্ডিকেট । প্ৰতিখন গাড়ীৰ পৰা পাঁচ হাজাৰকৈ গুণ্ডাকৰ সংগ্ৰহ কৰিছে ছিণ্ডিকেট চক্ৰই । এই ছিণ্ডিকেটৰ ধন ক'লৈ যায় কোনেও নাজানে যদিও প্ৰতিখন ব্ৰইলাৰ মুৰ্গী কঢ়িওৱা গাড়ীয়ে ছিণ্ডিকেট চক্ৰক আদায় দি আহিছে ধন । যি সময়ত দুৰ্নীতিৰ বিৰুদ্ধে কেন্দ্ৰ তথা ৰাজ্য চৰকাৰ তৎপৰ হৈ পৰিছে, তেনে সময়ত অসমৰ উপৰি বংগত অব্যাহত আছে ব্ৰইলাৰ ছিণ্ডিকেট । কিন্তু আৰক্ষী প্ৰশাসনৰ চৰম গাফিলতি আৰু দূৰদৰ্শিতাৰ অভাৱত সঘনাই দুৰ্নীতি সংঘটিত হোৱাৰ অভিযোগ সচেতন মহলৰ । অসমৰ চুবুৰীয়া ৰাজ্য বংগৰ আলিপুৰদুৱাৰত চলিছে ব্ৰইলাৰ ছিণ্ডিকেট । বংগৰ আলিপুৰদুৱাৰৰ পৰা অসমৰ বিভিন্ন জিলালৈ সৰবৰাহ হোৱা ব্ৰইলাৰ গাড়ীৰ পৰা অসম আৰু বংগ আৰক্ষীৰ নামত পাঁচ হাজাৰকৈ টকা আদায় লয় তিনিজন যুৱকে ।
প্ৰতিখন মুৰ্গী কঢ়িওৱা গাড়ীৰ পৰা মাহিলি ধন লোৱাৰ পাছতো গা লৰা নাই প্ৰশাসনৰ । বংগৰ আলিপুৰদুৱাৰৰ পৰা অসমৰ ৰঙিয়া, বৰপেটা, নলবাৰী, গোৱালপাৰা, বঙাইগাওঁ আদি বিভিন্ন জিলালৈ যোৱা সকলো মুৰ্গী কঢ়িওৱা গাড়ীয়ে দিব লাগে এই ধন । ধন নিদিলে গাড়ী ৰখাই চালকক বিভিন্ন প্ৰকাৰে হাৰাশাস্তি কৰাৰ অভিযোগ উঠিছে আলিপুৰদুৱাৰৰ তাপস দত্ত, ৰতন ঘোষ আৰু অসমৰ শিমলূটাপুৰ বাসিন্দা সমীৰণ দাস ওৰফে নাড়ু দাস নামৰ যুৱকে ।
লগতে পঢ়কঃ কামৰ সন্ধানত বহিঃৰাজ্যলৈ গৈ থকা অৱস্থাত নিৰুদ্দেশ যুৱক
