কোকৰাঝাৰ,২৮ ছেপ্তেম্বৰঃ আজি পবিত্ৰ মহালয়া, চৌদিশে আজিৰেপৰা মা দুৰ্গাৰ বন্দনা আৰম্ভ। পবিত্ৰ দিনটোত মা দুৰ্গাক আদৰাৰ বাবে ৰাতিপুৱাৰে পৰা উখল-মাখল ৰাজ্যৰ বিভিন্ন প্ৰান্তৰ লগতে কোকৰাঝাৰ চহৰ।
পবিত্ৰ মহালয়া উপলক্ষে কোকৰাঝাৰত বিশাল শোভাযাত্ৰা
দুৰ্গতি নাশিনী দেৱী মা দুৰ্গাৰ প্ৰাৰ্থনাৰে মুখৰিত সমগ্ৰ ৰাজ্য। পিছপৰি থকা নাই কোকৰাঝাৰৰ ৰাইজো । আজিৰ এই পবিত্ৰ দিনতোৰ লগত সংগতি ৰাখি ৰাতিপূৱা কোকৰাঝাৰ চহৰত তিতাগুৰি ভবাণিপুৰ দুৰ্গা পূজা সমিতিৰ উদ্যোগত ৰাইজৰ সহযোগত উলিয়াই এক বৰ্ণিল শোভাযাত্ৰা । এইবেলি তিতাগুৰি ভবাণিপুৰ দুৰ্গা পূজা খনে ৭৫ বছৰীয়া হীৰক জয়ন্তী উদযাপন কৰিবলৈ সক্ষম হোৱা বুলি উদযাপন সমিতিয়ে জানিবলৈ দিয়ে ।
